Tu sei qui

Revisione di CANZONIERE a del Lun, 27/11/2017 - 17:09

raeambauts daurenga.

Escoutats mais no sai qe ses. segnior. so qieus voil comensar vers
estribot ni sirventes. no(n) es ni non lo sei trobar. ni ges no sai
consil fezes. saital nol podia cabar. cant hom dautal miga no(n)
nausis far. ad home ni ad femna en aq(ue)st segle. ni en laltre
qe nes passats.
Si tot mo tenes a foles¹. ies p(er) aisso nom dei laissar. cades nom
cudo(m) chastiar. tot qant es nom prez impoies vas so cades vei (et)
esgar. e sai vos ben dire. p(er) qe car seu nos dizia paraula (et) no(n)
les trasia a cap. sai qe tenrias men p(er) fat qe mais am auer seis
diners el poign. qe mil sols al cel.

¹soles

A¹ vos nom tema far qun pes. mos amics aissol voil pregar.
sas obs nom vol valer manes. pos imo p(ro)fer a long tarzar
plus tost de lieis qe ma conqes. no(n) pot nulla res emanar.
tot aiso diu per una dona qem fai morir ab tot respeig.
(et) ab bellas paroulas pot mi donc bon esser segniors.
Ge ben a passat qatre mes (et)ami a cent anz. som par. qema
autreiat (et) p(ro)mes. qem dara so qem es plus car. donna pos bo(n)
cor manes mes. a dol sal me del dolz lamar.

¹Ia