Tu sei qui

Revisione di Edizione diplomatica del Gio, 09/11/2017 - 17:47

	Richartz Deberbesiu. A Tressi cum lorifans. Que qand chai nois pot leuar. tro lautre ab lo cridar. delor uotz lo leuon sus. et eu uuoill segre cel us. Q(ue) mos mes- faitz mes tant greus epesans. e si la cortz delpoi elo bobans. eladreitz p(re)tz dels leials amadors. nom releuon ia mais non serai sors. Q(ue) deigneson p(er)mi clamar merce. lai on preiars ni merces nom ual re.
	E sieu per los fin amans. non puosc en ioi retornar. p(er) totz temps lais mon chantar. Q(ue) de mi noi a ren plus. Anz uiurai cum lo reclus. sols ses solaz caitals es mos talans. Q(ue) mauida mes enois (et) afans. egaugz mes dols e plazers mes dolors. Qieu no sui ies de la maneira dors. Q(ue) qui bel bat nil ten uil ses merce. el engraissa e meil- lura e reue.
	B en sai qamors es tant grans. Que leu me pot p(er)donar. Sieu failli per sobramar. ni reignei cum dedalus. Q(ue) dis qel era ihesus. euolc uolar al cel outracuidans. Mas dieus baisset lorgoill e lo sobrans. emos orgoills non es res mas amors. P(er) q(ue) merces mi deu faire socors. Q(ue) maint loc son on razos uens merce. eloc on dreitz ni razos nois aue.