Daufin ie·us u voill derainier,
vos e·ls conte Guion,
que an en ceste saison
vos feistes bon gerrier.
E vos iurastes ou moi
e portastes me tiel foi
cum N'Aengris a Rainart,
cui senblez dou poil liart.
Vos me laissastes aidier
por tema de guierdon,
e car savetz q'a Chinon
non a argen ni denier;
e vos voletz riche roi,
bon d'armes qui vos port foi,
e ie sui chiche coart:
si·us viretz de l'autre part.
Encor vos voill demandier
d'Ussoires, si·l vos sot bon,
ni si·n prendretz vengeison
ni loarez soudadier.
Mas una ren vos outroi,
si bem fausastes la loi:
bon gerrier a l'estendart
trovaretz le roi Richart.
Je vos vi au comenssier.
large de gran mession;
mes puis trovez ocheison
que por forz chasteuz levier,
laissastes don e dompnoi,
e corz e segre tornoi;
mes nos chaut avoir regart
que francois son logouart.
Va sirventes ie t'envoi
en Alvernge, e di moi
as dos contes de ma part
s'uimeis font pais, Dies los gart.
Que chaut si garz men sa foi
qu'escuers n'a point de loi.
Mes de soi avan se gart
que n'ait en peior sa part.