| Aissi comensa de jaufre rudel d(e) blaya. | Aissi comensa de Jaufre Rudel de Blaya. |
| I | |
| Q uan lo rius de la fontana. ses clarzis si cum far sol. e par la flors aigle(n) - tina. el rossinho - let el ram. uolf e refranh eza - plana. son dous chantar el afi - na. beys dregz q(ui)eu lo mieu refra - nha. |
Quan lo rius de la fontana s'esclarzis, si cum far sol, e par la flors aiglentina e·l rossinholet el ram volf e refranh ez aplana son dous chantar e·l afina, beys dregz qu'ieu lo mieu refranha.
|
| II | |
| A mor de terra lonhda - na. per uos tot lo cor mi dol. e no(n) puesc trobar mezina. si no(n) aluos tre reclam. ab maltrait damor doussana. dins uergier o part cortina. ab dezirada companha. |
Amor de terra lonhdana per vos tot lo cor mi dol. E non puesc trobar mezina si non al vostre reclam ab mal trait d'amor doussana dins vergier o part cortina ab dezirada companha. |
| III | |
| P us tot iorn men falh aizina. nom merauilh sin ai fam. quar anc genser crestiana. no fo ni di - eus non o uol. iuzia ni sarrazi - na. ben es selh paguatz de mana. qui de samor ren guazanha. |
Pus tot iorn m'en falh aizina no·m meravilh si n'ai fam: quar anc genser crestiana no fo, ni Dieus non o vol, iuzia ni sarrazina. Ben es selh paguatz de mana, qui de s'amor ren guazanha. |
| IV | |
| D e dezir mos cors no fina. uas selha res quieu pus am. e cre q(ue)l uoler menguana. si cobezeza lam tol. que pus es ponhens despina. la dolors que per ioy sana. don ia no uuelh quom men planha. |
De dezir mos cors no fina vas selha res qu'ieu pus am, e cre que·l voler m'enguana si cobezeza la·m tol; que pus es ponhens d'espina la dolors que per ioy sana: don ia no vuelh qu'om m'en planha. |
| V | |
| Q uan pensar men fai aizina. a doncs la bays elacol. mas pueys torn en reuolina. per quem nesp(er)t en aflam. quar so que floris no(n) grana. lo ioy que mi natayna. tot mos cuiatz afaitanha.
|
Quan pensar m'en fai aizina adoncs la bays e la col mas pueys torn en revolina per que·m n'espert en aflam quar so que floris non grana lo ioy que mi natayna tot mos cuiatz a faitanha. |
| VI | |
| S enes breu de paraguamina. tramet lo uers en cantan. en pla - na lengua romana. an ugo bru per filolh. bom sap quar gent peitauina. de berri e debretanha. sesiau per lieys enguizana. |
Senes breu de paraguamina tramet lo vers, en cantan en plana lengua romana, an Ugo Bru per Filolh; bo·m sap quar gent peitavina, de Berri e de Bretanha, s'esiau per lieys en Guizana. |