|
I aufres rudels de blaia. Si fo mout gentils ho(m)
efo princes de blaia. Et enamoret se de la co(m) -
tessa de tripoli. Ses uezer p(er) lo bon quel nauzi
dire als pelerins q(ue) uenguen dantiochia. Efez
delleis mains uers ab bons sons ab paubre
motz. ep(er) uolu(n)tat delleis uezer. el se croset ese
mes en mar. Epres lo malautia enla nau. E
fo condug atripoli en un alberc p(er) mort. efo
fait saber ala co(m)tessa et ella uenc ad el al son
leit. Epres lo antre sos bratz. esaup quella
era la comtessa. emantene(n)t recrobet lauzir
el flairar. Elauzet dieu q(ue) la uia la uida soste(n) -
guda tro quel la agues uista. etenaissi el mo -
ri entre sos braz. Et ella lo fez agran honor
sepellir. En la maion del te(m)ple. Epois enaq(ue)l
dia ellase rendet morga p(er) la dolor quella
nac de la mort de lui.
|
