| I | |
| Pos de chantar mes pres talenz.fa- rai un uers don sui dolenz. Mais no(n) serai obedienz. En peitau nien lemozi. |
Pos de chantar m’es pres talenz farai un vers don sui dolenz; mais non serai obedienz en Peitau ni en Lemozi. |
| II | |
| Quera men irai eneisil. En gran * peril. En guerra laisserai mon fil. Efaran li mal siei uezin. *paor engn |
Qu’era m’en irai en eisil en gran paor engn peril, en guerra laisserai mon fil e faran li mal siei vezin. |
| III | |
| Lo departirs mes aitan grieus del sei gnorage de peitieus. enga(r)da defolco(n) da(n)gieus lais la t(er)ra el son cozi. |
Lo departirs m’es aitan grieus del seignorage de Peitieus; en garda de Folcon d’Angieus lais la terra e·l son cozi |
| IV | |
| Si folcos dangieus nol socor. el reis de cui ieu tenc monor. faran li mal tut li plusor felon gascon (et) angeui. |
Si Folcos d’Angieus no·l socor e·l reis de cui ieu tenc m onor, faran li mal tut li plusor felon Gascon et Angevi. |
| V | |
| Siben no(n) es sauis ni pros. Cant ieu se- rai partiz de vos. Vias lauran tornat enios. Car loueiran ioue mesqui. |
Si ben non es savis ni pros, cant ieu serai partiz de voz vias l’auran tornat en ios car lo veiran iove mesqui. |
| VI | |
| Per merce p(re)c mon (com)paignon. Sanc li fi tort qil mo p(er)don. (et) il p(re)c eniezu del tron. En romans (et) en son latin. |
Per merce prec mon compaignon s’anc li fi tort, q’il m’o perdon, et il prec en Iezu del tron en romans et en son latin. |
| VII | |
| De proeza edeioi fui. Mans ara parte(n) ambedui. Et eu irai men ascellui. on tut peccador troban fi. |
De proeza e de joi fui, Mans ara parten ambedui; Et eu irai m’en a scellui on tut peccador troban fi. |
| VIII | |
| Mout ai estat cuendes egais. Mas nos- tre seigner nol uol mais. ar no(n)pu- esc plus soffrir lo fais ta(n)t soi aprochatz dela fi. |
Mout ai estat cuendes e gais mas nostre Seigner no·l vol mais; ar non puesc plus soffrir lo fais tant soi aprochatz de la fi. |
| IX | |
| Tot ai guerpit cant amar sueill. Caua- laria (et) orgoill. Epos dieu platz tot oa cueill. Ep(re)c li q(uem) retengam si. |
Tot ai guerpit cant amar sueill cavalaria et orgoill, e pos Dieu platz tot o acueill e prec li que·m retengam si. |
| X | |
| Toz mos amics p(re)c alamort. Q(ue)i uen gan tut. Emon ren fort. Q(ue) uai auut ioi edeport. loi(n)g ep(re)s (et)mon aizi. |
Toz mos amics prec a la mort que·i vengan tut e m’onren fort, qu’eu ai avut joi e deport loing e pres et mon aizi. |
| XI | |
| Aissi guerpisc ioi edeport. Euair egris esembeli. |
Aissi guerpisc joi e deport e vair e gris e sembeli. |