| I. | I. |
| Peire breumon a L pariscen de las flors. Qan lalbre charguondelfoill.El te(m)ps genç ala uerdura. Per lerba qi creis (et) nais. Adoncs es acels bonamors. Qi la en paç ses rancura. Cu(n)s uas lautre no(n) sorgoilla. |
Peire Breumon Al pariscen de las flors, qan l'albre charguon del foill, e·l temps genç'a la verdura per l'erba, qi creis et nais: adoncs es a cels bon'amors, qi l'a en-paç ses rancura, c'uns vas l'autre non s'orgoilla.
|
| II. | II. |
| q eu uei de totz los meillors. Qe sens en deueno foill. Qe enqero lor dreitura. tro qe lor domnas nirais. El ris tornal puois en plors. Els fols per mala uentura. Va qeren lo mal quel doilla. |
Q'eu vei de totz los meillors qe sens'en deveno foill, qe'enqero lor dreitura tro qe lor domna·s n'irais. E·l ris tornal puois en plors; e·ls fols per mal'aventura va qeren lo mal que·l doilla. |
| III. | III. |
| Q amors uol tals amadors. Qe sapchan sofrir orgoill · En paz (et) gran desmesura. Si tot sa domna si strais. Paucs plag lem sia honors. Qar si sab mal nis nab dura. Il qeira tost qi lacoilla. |
Q'amors vol tals amadors, qe sapchan sofrir orgoill en-paz et gran desmesura; si tot sa domna s'istrais, pauc plag le·m sia honors, qar si sab mal ni·s n'abdura, il qeira tost qi l'acoilla. |
| IV. | IV. |
| Per aqest sen sui eu sors. E no(n) sui ges cel qesoill. Qar sellam fai gran laidura. Qant autres plag eu ma pais. Si tot ses granz ma dolors. Sufrir tro qella meilhura. Ab un plazer qal qes uoilla. |
Per aqest sen sui eu sors e non sui ges cel qe soill, qar s'ella·m fai gran laidura, qant autre·s plag, eu m'apais. Si tot s'es granz ma dolors, sufrir tro q'ella meilhura ab un plazer qal qe·s voilla. |
| V. | V. |
| mais nam trenta de senors. Cui honors si leis me noilh. Qeu sui hom de tal natura. No(n) uoil honor qel pro lais. Ni ges no(n) laissal paors. Don mos cor no(n) sasegura. Qadec cuig qaultre lam toilla. |
Mais nam trenta desonors cui honors, si leis me noilh, q'eu sui hom de tal natura, non voil honor qe·l pro lais. Ni ges non laissa·l paors, don mos cor non s'asegura, q'adec cuig q'aultre la·m toilla. |