Tu sei qui

Revisione di Edizione interpretativa del Gio, 09/10/2014 - 17:47

Vai all'edizione diplomatica Vai alla riproduzione fotografica

Jdem. Jaufre L an quant li iorn son lonc en mai. Mes bels dous chanz dausels de loing. * Uauc de talan en broncs ecli(n)s. Si que chanz ni flors dalbres pins. No(m) platz plus que linuertz gelatz. * e ca(n) me sui part de lai. me(n)bram dunamor de log	Jdem Jaufre Lanquant li iorn son lonc en mai m'es bels dous chanz d'ausels de loing e can me sui part de lai menbra·m d'un'amor de log; vauc de talan enbroncs e clins si que chanz ni flors d'albrespins no·m platz plus que l'invertz gelatz.
I amais damor no(n) iauzirai. Sino(n) ga ug destamor de loing. Que gensor ni meillor non sai. Ues nuilla part ni p(re)s ni loing. Tant es sos prez uerais efis. Que lai el renc de sarazis. fos eu p(er) leis chaitius clamatz.	Iamais d'amor non iauzirai si non gaug dest'amor de loing, que gensor ni meillor non sai ves nuilla part ni pres ni loing. Tant es sos prez verais e fis que lai el renc de sarazis fos eu per leis chaitius clamatz!
I ratz eiauzens men partrai. Quan ue rai cest amor de loing. Mi don pode(r) qencor eu lai. Eu remir cestamor de lo ing. ueraiamen ental assais. Siquella chambra el iardis Mi sembla maisos e palatz.	Iratz e iauzens m'en partrai quan verai cest amor de loing. Mi don poder q'en cor eu l'ai eu remir cest amor de loing veraiamen en tal assais: si que lla chambra el iardis mi sembla maisos e palatz.
B em para iois quan li q(ue)rrai. p(er) amor dieu lalberc deloing. Esalei platz albergarai. p(re)s dellei sibem soi deloi(n)g. Adoncs pa(r)ral parlamenz fis. Quan drutz lon danz er tant uesis. Cab bels ditz iauzira solatz.	Be·m para iois quan li querrai per amor Dieu l'alberc de loing, e s'a lei platz albergarai pres de llei si be·m soi de loing; adoncs parra·l parlamenz fis quan drutz londanz er tant vesis c'ab bels ditz iauzira solatz.