| Jofre rodel. | Jofre Rodel. |
| I | |
| NOn sap chantar qil so(n) | Non sap chantar qi·l son no di |
| no di. nil uers trobar | ni·l vers trobar qi·ls motz no fa, |
| qils motz no fa. ni sap | ni sap de rima con si va |
| de rima consi ua. si rason non | si rason non enten en si. |
| enten ensi. pero mon chant co - | Pero mon chant comens'aissi: |
| mens aissi. con plus lausires | con plus l'ausires, mais valra. a a |
| mais ualra. a a. | |
| II | |
| IA nulls nos merauilh de mi. | Ia nulls no·s meravilh de mi |
| sieu am ço qieu no(n) ueirai ia. | s'ieu am ço q'ieu non veirai ia, |
| qar nuilha res tan mal nom | qar nuilha res tan mal no·m fa |
| fa. con ço qez anc dels hueilhs | con ço qez anc dels hueilhs non vi; |
| non ui. anc mais nul temps | anc mais nul temps no mi menti |
| no mimenti. ni no sai si ia so | ni no sai si ia s'o fara. a a |
| fara. a a. | |
| III | |
| ANc tan suau no madurmi. q(ue) | Anc tan suau no m' adurmi |
| mos esperitz no fos la. on li bel | que mos esperitz no fos la |
| la si dorm e ia. mei dezir fan | on li bella si dorm e ia; |
| lai lur cami. mei suspir son | mei dezir fan lai lur cami |
| sei assasi. delamor no sai qom | mei suspir son sei assasi, |
| penra. a a. | de l'amor no sai q'om penra. a a |
| IV | |
| BOns es le sons sieu non me(n)ti. | Bons es le sons, s'ieu non menti |
| e tot qant ia ben ista. e cel q(ui) | e tot qant i a ben ista; |
| de mi lapenra. gard si non | e cel qui de mi l'apenra |
| mueua ni camgi. qar si lau - | gard si non mueva ni camgi. |
| son en caerzi. le uesconse com | Qar si l'auson en Caerzi |
| de tolsa lentendra. a a. | le ves conse com de Tolsa l'entendra. a a |