| Diplomatica | Interpretativa |
|
A conmancier dema nouelle amor ferai chanson/ qui man est p(ri)s talans et wel prier aceli cui/ iaor puis ke dou tout li suix obedians (por)deu/ quelle ne mi soit desdaignans ains doit voloir que/ par moi soit seruie si anserai plus lies toute ma/ vie. Ceu ne me doit nus tenir afolour ce ie/ desir estre se biens voillans puis ke biauteis fait/ deli mireour et antous b(ie)ns est ses antandemans/ dex (con)serai ranuoisies et ioians se iai nulior uer/ moi tant sumilie q(ue)(per)son greit lous apeler amie./ E nonporcant tous iors laseruirai sans fauce/ teit (con)me leaus amins car mis fins cuer ne doit/ estre an es mai (por)tant si sest anhate amor assis ai(n)z / doit panser (con)m(en)t iert deseruis litres grans biens / ou elle ait mis sentente ne iai nul ior por mal ne sen/ repante. Iemedelis al espoir que ie nai si doucem(en)t/ qui mest souant auis kelle motroit samor decuer / uerai mais tost me rest ci dous pansers faillis (que)de/ paour suis mas et esbahis tant dout raison ancui iai/ mis mantante sans estre ameis crien morir an atan/ te. Il me avis que adroit welt iugier (qui) fins a/ mans ne doit damors p(ar)tir can pou doure rant elle teil/ luier dont nus nauroit poir dou deseruir por la wel/ bonem(en)t obeir et wel prier amadame annoree cavec/ biauteit soit pities asanblee. Quens de Guelre/ riens de puet auancir fors bone amor et cil qui/ ali beie antandeis iciert nostre anor doublee./ |
A conmancier de ma novelle amor, ferai chanson qui m’an est pris talans; et wel prier aceli cui j’aor, puis ke dou tout li suix obedians; por Deu! quelle ne mi soit desdaignans, ains doit voloir que par moi soit servie, si an serai plus lies toute ma vie. Ceu ne me doit nus tenir a folour, ce je desir estre se biens voillans; pius ke biauteis fait de li mireour, et an tous bien s'est ses antandemans; dex! Con serai ranvoisies et joians, se jai nulior ver moi tant s’umilie, que per son greit l'ous apeler amie. E nonporcant tous iors la servirai, sans fauceteit, conme leaus amins; car nus fins cuer ne doit estre an esmai, portant si s’est an hate amor assis; ainz doit panser conment iert deservis, li tres grans biens ou elle ait mis sentente, ne jai nul ior por mal ne s’en repante. Je me delis al espoir que je n’ai, si doucement qui m’est sovant avis kelle m’otroit s’amor de cuer verai; mais tost me rest ci dous pansers faillis, que de paour suis mas et esbahis, tant dout raison an cui j’ai mis mantante, sans estre ameis crien morir an atante. Il me <…> avis que a droit welt jugier: que fins amans ne doit d’amors partir, c’an pou d’oure rant elle teil luier, dont nus n’auroit pöir dou deservir; por la wel bonement obeir, et vel prier a ma dame annorée c’avec biauteit soit pities asanblée. Quens de Guelre riens ne puet avancir, fors bone amor et cil qui ali beie; antandeis, iciert nostre anor doublée.
|