| Me sire Quenes de Biethune. | Mesire Quenes de Biethune. |
| I | |
| Bele douce dame chiere. uostre granz biautez en- tiere. ma si soupris. que se giere en paradis. si reuendroie ie arriere. par conuent que ma proiere. meust la mis. que fusse uostre amis. na moi ne fussiez fiere. quar ainc en nule maniere. ne forfis. que fussiez ma guerriere. |
Bele douce dame chiere, vostre granz biautez entiere m’a si soupris que, se g’iere en Paradis, si revendroie je arriere, par convent que ma proiere m’eüst la mis que fusse vostre amis na moi ne fussiez fiere, quar ainc en nule maniere ne forfis que fussiez ma guerriere. |
| II | |
| Pour vne quen ai haie. ai dit as autres folie. (con) irous. mal ait vos cuers couuoitous qui menuoia en surie. fausse estes voir plus que pie. ne matz pour vous. nauerai mes ex plourous. vous estes de labeie . as sofraitous. si ne vous nomerai mie. |
Pour une qu’en ai haie ai dit as autres folie, con irous. Mal ait vos cuers couvoitous qui m’envoia en Surie, fausse estes voir plus que pie! Ne maiz pour vous n’averai mes ex plourous. Vous estes de l’abeie, as sofraitous, si ne vous nomerai mie. |