Tu sei qui

Revisione di Canzoniere B - Edizione diplomatica del Gio, 05/06/2014 - 22:00

Jaufres rudels de blaia.
Lan qand li iorn son lonc en mai.
mes bels douz chans dauzels deloi(n).
eqand me sui partitz delai.reme(m)bra(m)
dun amor deloing. uauc de talan en
broncs e clis. si que chans ni flors
dalbespis. nom platz plus que lin
uerns gelatz.

Ia mais damor nom gauzirai. si no(n)
gau destamor deloing. q(ue) gensor ni
meillor non sai. uas nuilla part ni
pres niloing. tant es sos pretz uerais
e fis. q(ue) lai el renc dels sarrazis. fos
eu p(er) lieis chaitius clamatz.

Iratz egauzens men partrai. qan
ueirai cest amor deloing. mas non
sai coras lamueirai. car trop son no
stras terras loing. assatz i a portz e ca -
mis. ep(er) aisso non sui deuis. mas tot
sia cum adieu platz.

Bem parra iois qan li qerrai. p(er) a -
mor dieu lamor deloing. esalieis plai
albergarai. pres delieis si bem sui de loing.
adoncs parral parlamens
fis. qand drutz loindas er tant ue -
zis. cab bels iauzirai solatz.

Ben tenc lo seignor p(er) uerai. p(er) qieu
ueirai lamor deloing. mas p(er) un ben
q(ue) men eschai. nai dos mals car tant

mes deloing. ai car me fos lai pele
ris. si q(ue) mos fustz emos tapis. fos
pelz sieus bels huoills remiratz.

Dieus q(ue) fetz tot qant ue ni uai. e
fermet cest amor deloing. me don
poder qel cor eu nai. qen breu ueia
lamor deloing. ueraiamen en locs
aizis. si q(ue) lacambra el iardis. mire
sembles totztemps palatz.

Uer ditz qui mapella lechai. ni desi -
ran damor deloing. car nuills au -
tre iois tant nom plai. cum iauzi
mens damor deloing. ma so q(ue)u
uuoill mes tant ahis. q(ue) naissim
fadet mos pairis. qieu ames enon
fos amatz.

Mas so qieu uuoill mes tant ahis.
totz sia mauditz lo pairis. qem fa
det qieu non fos amatz.