| I | |
| Lirois de nauarre. De(us) est ensi co(n)me li pellicans. qui fait son ni el plus haut arbre sus. et li mauuais oisiaus quiuient de ius. ses oisellons ocit ta(n)t est puanz. li peres uient destrois (et) angoisseus. dou bec socit deson sanc dolereus. uiure refait tantost ses oisel lons. de(us) fist autel quant fu sa passions. deson douz sanc racheta ses enfans dou dea ble. qui m(u)lt estoit puissanz. |
Li Rois de Navarre Deus est ensi conme li pellicans qui fait son ni el plus haut arbre sus, et li mauvais oisiaus, qui vient de ius, ses oisellons ocit: tant est puanz; li peres vient destrois et angoisseus, dou bec s'ocit, de son sanc dolereus vivre refait tantost ses oisellons. Deus fist autel, quant fu sa passions; de son douz sanc racheta ses enfans dou Deable, qui mult estoit puissanz. |
| II | |
| Li guerredons en est mau uais (et) lens. que biens ne drois ne pities na mes nus. ainz est orgueils (et) baraz au dessus. felonie traisons (et) beu bans. m(u)lt par est n(ost)re estat perillous. et se ne fust li essamples de ceus. qui ta(n)t aiment et noises (et) tencons. ce est des clers qui ont lais sie sarmons. por guerroier et por tuer les gens. iames en dieu ne fust nus hons cre- ans. |
Li gueredons en est mauves et lens, que biens ne drois ne pities n'a mes nus, ainz est orgueils et baraz au dessus, felonie, traisons et beubans. Mult par est nostre estat perillous; et se ne fust li essamples de ceus qui tant aiment et noises et tencons, ce est des clers qui ont laissie sarmons por guerroier et por tuer les gens, iames en Dieu ne fust nus hons creans. |
| III | |
| Nostre chief fait touz noz menbres doloir. por cest bien drois qua dieu nos en plaignons. (et) grant corpe ram(u)lt seur les barons. qui il poise quant aucuns ueut ualoir. (et) entre gent font m(u)lt ablamer. qui tant seuent (et)mentiret et guiller. le mal enfont deseur els reuenir. et qui mal quiert mal ne li doit .faillir. qui petit mal por chasse ason pooir. ligrans ne doit enson cuer remanoir. |
Notre chief fait touz nosz menbres doloir, por c'est bien drois qu'a Dieu nos en plaignons et grant corpe ra mult seur les barons, qui il poise quant aucuns veut valoir; et entre gent font mult a blamer qui tant sevent et mentir et guiller; le mal en font deseur els revenir; et qui mal quiert, mal ne li doit faillir. Qui petit mal porchasse a son pooir, li granz ne doit en son cuer remanoir. |
| IV | |
| Bien deurions enlestoire ueoir. labataille qui fu des .ij. dragons. si com len troue el liure des bretons. dont il couint les chastiaus ius cheoir. cest cist siecles qui il couint uerser. se de(us) ne fait la bataille finer. le sens mel- lin encouint fors issir. por de. uiner questoit aauenir. mes antecriz uient ce poes sauoir. as macues quanemis fait mouuoir. |
Bien devrions en l'estoire veoir la bataille qui fu des deus dragons, si com l'en trove el live des Bretons, dont il covint les chastiaus ius cheoir: c'est cist siecles, qui il couvint verser, se Deus ne fait la bataille finer. Le sens Mellin en couvint fors issir por deviner qu'estoit a avenir. Mes Antecriz vient, ce poes savoir, as macues qu'Anemis fait mouvoir. |
| V | |
| Sauez qui sont li uil oisel puant. qui tuent dieu (et) ses enfeconez. lipapelart dont limont nest pas nez. cilso(n)t puant ort (et) uil et mau uais. il ocient toute la sin ple gent par lor faus moz. qui sont lidieu enfant. pa pelart font le siecle chan celier. et par saint peremal les fait encontrer. il ont to- lu (et) ioie (et) solas (et) pais. cil porteront en enfer le grief fais. |
Savez qui sont li vil oisel puant qui tuent dieu et ses enfanonez? Li papelar dont li mont n'est pas nez. Cil sont puant ort et vil et mauvaus.; il ocient toute la sinple gent par lor faus moz, qui sont li Dieu enfant. Papelart font le siecle chancelier; et par saint Pere, mal les fait encontrer: il ont tolu et ioie et solas et pais. Cil poreront en Enfer le grief fais. |
| VI | |
| Or nos doint de(us) lui seruir et amer. (et) la dame con ne doit oublier. qui nos uueil- le garder atouz iors mais. despuz oiseaus qui ont uenim esbes. |
Or nos doint Deus lui servir et amer, et la Dame, c'on ne doit oublier, qui nos vueille garder a touz iors mais des puz oiseaus, qui ont veni, es bes. |