      |
Ausi co(n)me unicorne sui. qui sesbahit en regar dant. quant la pucele ua mirant. tant est liee de son ennui. pasmee chiet en son giron. lors locit on en traison. et moi on mort dautel senblant. amors (et) madame por uoir. mon cuer nen puis point auoir. Dame quant ie deuant uos fui. et ie uos ui premie rement. mes cuers aloit si tresaillant quil remest quant ie me mui. lors fu menes sanz raencon. enla douce chartre enprison. do(n)t li piler sont de talent. (et) li huis sont debiau ueoir. (et) li anel dou bon espoir. Dela chartre a la clef am ors. et si ia mis trois porti ers. biau semblant anon li premiers. et biaute ceus enfait seignors. dangier a mis aluis deuant. un ort felon uilain puant. q(ui) m(u)lt est maus (et) pautoniers. cist troi sont uiste (et) hardi. m(u)lt ont tost un home saisi. Qui porroit soufrir les tris tors. (et) les assaus de ses huis siers. onques rollans ne oli uiers. ne uainquirent si fors estors. il uainquirent enconbatant. mais ceus uaint on humiliant. sou- frirs en est gonfanoniers. encest estor dont ie uous di. na nul secors q(ue) de merci. Dame ie ne dout mes rie(n)s plus. fors tant que faille auos amer. tant ai apris a endurer. que sui u(ost)res tout par us. (et) se il uos enpesoit bien. ne men puis ie partir por rien. que ie naie le re- menbrer. (et) que mes cuers ne soit ades. enla prison et de moi pres. Dame quant ie ne sai guil- er. merciz seroit de saison mes. de soustenir sigreuain fes. Lirois de nauarre. |