| I | |
| Ausi (con)me unicorne sui qui sesbahist en regardant. quant la pucele ua mirant. tant est lie de son amii(*). pesmee chiet en son giron. lors locist on e(n) traiso(n) (et) moi ont mort dautel semblant amours. (et) ma dame pour uoir. mon cuer ont. nen puis point. auoir. |
Ausi conme unicorne sui qui s'esbahist en regardant, quant la pucele va mirant. Tant est lie de son amii(*), pesmee chiet en son giron; lors l'ocist on en traison. Et moi ont mort d'autel semblant amours et ma dame pour voir: mon cuer ont, n'en puis point avoir. |
| II | |
| Dame quant ie deua(n)t uos fui (et) ieuousui p(re) mierement. mes cuers aloit si tressaillant. quil remest q(ua)nt ie men mui. lors fui menez sanz raencon. en la douce chartre em prison. dont li piler sont de ta lent. (et) li huis sont de biau ueoir (et) li anel de bon espoir. |
Dame, quant ie devant vos fui et ie vous vi premierement, mes cuers aloit si tressaillant qu'il remest, quant ie m'en mui. Lors fui menez sanz raencon en la douce chartre em prison dont li piler sont de talent et li huis sont de biau veoir et li anel de bon espoir. |
| III | |
| De la chartre a la clef damours (et) si i amiz (troi) portiers. biau sem blant anon li premiers. (et) biaute ceus en fet seignours. dangier a miz aluiz deuant (un) ort uilai(n) felon puant qui mout. est ma(us) (et) pautoniers. cist (troi) sont (et) uis te (et) hardi. mout ont tost (un) ho(n) me sesi. |
De la chartre a la clef d'amours et si i a miz troi portiers: Biau Semblant a non li premiers, et Biaute ceus en fet seignours; Dangier a miz a l'uiz devant, un ort, vilain, felon, puant, qui mout est maus et pautoniers. Cist troi sont et viste et hardi: mout ont tost un honme sesi. |
| IV | |
| Qui porroit soustenir les tris tours. les assaus de ces huissiers onques rollanz ne oliuiers ne uainquirent si fors estours. il uainquirent en (con)batant. mes ceus uaint on humeliant. sof frirsts en est gonfanoniers. en cest estour dont ieuous di na nul secours que de merci. |
Qui porroit soustenir les tristours les assaus de ces huissiers? Onques Rollanz ne Oliviers ne vainquirent si fors estours; il vainquirent en conbatant, mes ceus vaint on humeliant. Soffrirsts en est gonfanoniers; en cest estour dont ie vous di n'a nul secours que de merci. |
| V | |
| Dame ie ne dout rienz plus mes tant que faille auous amer. tant ai apriz (et) endur(eit)*. que ie sui uostres tout par us. (et) se il u(os) en pesoit b(ie)n. ne men puis ie par tir. pour rien que ie naie le reme(n) brer. (et) que mes. cuers ne soit ades en la prison (et) de moi pres. |
Dame, ie ne dout rienz plus mes tant que faille a vous amer. Tant ai apriz et endureit que ie sui vostres tout par us; et se il vos en pesoit bien, ne m'en puis ie partir pour rien que ie n'aie le remenbrer et que mes cuers ne soit ades en la prison et de moi pres. |
| VI | |
| Dame q(ua)nt ne sai guiler. merci seroit de seson. mes de soustenir si greuain fes. |
Dame, quant ne sai guiler, merci seroit de seson mes de soustenir si grevain fes. |