| I | |
| Amix robert fey que dey vos Ben fe noia dauols co(m)panhos Et enoyan la mars el vens Que nom sembla ni vos ni gens Edome ques fay desdenos Lay on no(n) es loc ni sazos Men vey de paupres presens |
Amix Robert fey que dey vos ben fe noia d’avols companhos et enoya·n la mars el vens que no·m sembla ni vos ni gens e d’ome que·s fay desdenos lay on non es loc ni sazos men vey de paupres presens |
| II | |
| Chaualliers paupres ergulhos Qui no(n) pot far co(n)dutz ni dos Menueya rix homs desconoyssens Que cuia eser entendens Enon sap ques hay sus ni ios Et enuiam cels q(i)s ten bos Que pauc diz ben e fay en mens |
Chaualliers paupres ergulhos qui non pot far condutz ni dos m’enueya rix homs desconoyssens que cuia eser entendens e non sap ques hay sus ni jos et enuia·m cels qis ten bos que pauc diz ben e fay en mens |
| III | |
| Li lausengier e lienuios Menuejan molt e li iaglos Et enueyam lonc parlamens Et estar entres croyas gens Et hom menueya trop uos E co(m)panhia de garsos E chaualliers mal a culhens |
Li lausengier e li enuios m’enueja·n molt e li jaglos et enueya·m lonc parlamens et estar entres croyas gens et hom m’enueya trop vos e companhia de garsos e chaualliers mal aculhens |
| IV | |
| Homs messongier mal enginhos Menueia et homs trop cobeytos Et enueiaz come(n)samens. Maluays ecroys dissinimens et homs menueya trop gylos El cel qui es trop enueios Menueia homs trop recresens |
Homs messongier mal en ginhos m’enueia et homs trop cobeytos et enueiaz comensamens malvays e croys dissinimens et homs m’enueya trop gylos e·l cel qui es trop enueios m’enueia homs trop recresens. |
| V | |
| Rix homs alegres eioyos Larx e finix e de bel respos Meplaz e bels capteneme(n)tus. E cors on vey homes valens e plaz mi bella messios. |
Rix homs alegres e joyos larx e finix e de bel respos me plaz e bels captenementus e cors on vey homes valens e plaz mi bella messios. |