| 446 |
 |
| En bertan. del born. Cazutz. sui de mal. en pena. car uau. la ol cor me mena. doniamais. non descargarai del fais. qel ma mesen tal cadena. on mailla nos des contena. car mi trais ab un esgar de biais. una gaia fresqe lena faig. ailonga carantena. mas oimais sui al dous de la cena. Tant ez damoroza mena qe morrai si no mestrena. dun douz bais mas a truep dorgueill. men lais. de totas beutatz terrena. an preslas tres de torrena. fis esais. mas il es sobre las mais. qe non es aurs sobrerana qeuno uoilauer Torena mi uoil mais saint cinart qela(m) retena. Le cortz non esia complia. on hom nongap ni no(n) ria. corts ses dos nones mais part de baros. qe mort magra senz faillia. lenuegz e la uilania darcentos. mas gentil cors amorose la douza cara pia. e la bona compagnia. el respos de lai sai sim defendria. |