|
S(ire) en Guiellm auger d(e) g(ra)ssa. BEm plai logai temp(s) del pascor. qan uey fueillas e flors ue nir. e plai mi qan aug la baudor. dels ausels qi fan retentir lurchans per lo boscage. e plai me qan uei sobrels pratz. tendas e pauailhos fer matz. e plaimen mo(n) corage. qanuei per campanha re(n)gatz caualiers en cauals armatz. E Plai me qanli corredor fan la gen elauer fugir. e plai me qan uei apres lor. gran re dar matz en sems uenir. e ai gra(n) alegrage. qanuei fors castels aseiatz. e barres rotz e esfro(n)datz. e uei lost elriuage. tot en tor claus ambos fossatz. amliças e am pals serratz. TOtas ues me plai de seinhor qan uen primiers alenuair encaual armat ses temor qa issi fai los sieus enardir. ab ualen uassallage. eqant es en locamp entratz. chascus deu esser azesinatz. desegre dagra - dage. qar hom no(n) es adregh pre - satz. trosqa manz copls pres e donatz. MAcas ebranz elms decolor. escutz asclar edesgarnir. ueirem ale(n) trar delestor. e mans uasals en sems ferir. don anaran arage cauals del(s) mortz e dels nafratz. e pueis qelestorms er mesclatz ia nulls hom de parage. no pens mas desclar caps e bratz. qe maisual mortz qe uius so brats.
PRos comtessa pelameilhor.qo(m) puesca n tot lo mon chausir. uos ten hom e per la gensor. qa(n)c simires ni ia semir. biatritz daut parage. bona donna enditz e enfatz. fons on sorçon totas beutatz. bella ses maistrage. nostre rics prez es tan poiatz. qe sobre totz es enansatz.
Donzella dau linhage. tal e(n) cui es tota beutatz. am fort e sui p(er) leis amatz. e donam tal corage. qe ia no pens esser sobratz. per un dels plus outracuiatz. |