| I | |
| Rassa tant creys e mont e pueja. selha ques de totz enjans uueja. sos pretz qua las melhors e nueja. quna noya que ren ynue- ia. de uezer que sa beutat lueja. las pros quassos ops cuj quen e ueya. quel plus conoissent el melhor. mantenon ades sa ua- lor. e la tenon per la gensor. e sap far entieira honor. no uol % mas sol un preyador. |
Rassa, tant creys e mont'e pueja, selha qu'es de totz enjans vueja sos pretz qu'a las melhors enueja, q'una no·y·a que ren y nueia de vezer que sa beutat lueja las pros qu'as sos ops, cuj qu'en eveya; que·l plus conoissent e·l melhor mantenon ades sa valor e la tenon per la gensor, e sap far entieira honor, no vol mas sol un preyador. |
| II | |
| Rassa domna ques fresque fina. cuenda e guaya e mesq(i)na. pel saur ab color de robina. bla(n) ca pel cors cum flors despina. cu- ende mol ab dura tetina. resse(m)- bla conil per lesquina. ala fina fresca color. el bon pretz e la lau- zor. pot hom leu triar la melhor. cylh que sen fan conoyssedor. de mi uas qual part ieu azor. |
Rassa, domna qu'es fresqu'e fina, cuenda e guaya e mesqina: pel saur, ab color de robina, blanca pel cors cum flors d'espina, cuende mol ab dura tetina, ressembla conil per l'esquina. A la fina fresca color, e·l bon pretz e la lauzor, pot hom leu triar la melhor cylh que sen fan conoyssedor de mi vas qual part ieu azor. |
| III | |
| Rassa als ricx es ergulhoza. e fai gran sen aley de toza. q(ue) no uol peitieus ni toloza. ans es tan de pretz enueyoza. quals pros paupres es amoroza. et am pres per castiador. prec li q(ue) tenha car samor. (et) ama mays pros uasuassor. que comte ric gualiador. que la menes a dezo | nor. |
Rassa, als ricx es ergulhoza, e fai gran sen a ley de toza que no vol Peitieus ni Toloza .............................................. ans es tan de pretz enueyoza qu'als pros paupres es amoroza et a·m pres per castiador: prec li que tenha car s'amor et ama mays pros vasvassor que comte ric gualiador que la menes a dezonor. |
| IV | |
| Rassa ricx hom que res non dona. ni honra ni acuelh ni sona. e que senes tort ochai zona. e qui quer merce no(n) per dona. menueja e tota persona que seruezi no(n) guazardona. e li ric home cassador. menue ion el buzatador. guaban la uo- lada daustor. q(ue) iamais darmas ni damor no(n) parlara hom en- | tre lor. |
Rassa, ricx hom que res non dona ni honra ni acuelh ni sona e que senes tort ochaizona e qui quer merce, non perdona m'enueja, e tota persona que servezi non guazardona. E li ric home cassador m'enueion e·l buzatador guaban la volada d'austor, que jamais d'armas ni d'amor non parlara hom entre lor. |
| V | |
| Baros a totz o dic en plassa. qua uols es qui de guer- raslassa. ni qui sen recre per me nassa. tro que ueja quom tort nol fassa. mai ual que ribeira ni cassa. que bon pretz nacuelh en abrassa. mauri ab nalguar so senhor. ac guerra ab pretz uale dor. el coms ac cor desuazidor. el uescomte defendedor. e ueia(m) los lai al pascor. |
Baros, a totz o dic en plassa: qua vols es qui de guerras lassa ni qui s'en recre per menassa tro que veja qu'om tort no·l fassa mai val que ribeira ni cassa, que bon pretz n'acuelh e n'abrassa. Mauri ab N'Alguar, so senhor, ac guerra ab pretz valedor, e·l coms ac cor d'esvazidor e·l vescomte defendedor e veiam los lai al pascor. |
| VI | |
| Marinier uos auetz honor. e nos auem camjat senhor. bon guerrier per torneyador. |
Marinier, vos avetz honor e nos avem camjat senhor bon guerrier per torneyador. |
| VII | |
| Papiol mon chantar recor. lai on es mon mal belh senhor. |
Papiol, mon chantar recor lai on es mon mal Belh-Senhor. |