| arnautz daniels xxxii. | Arnautz Daniels xxxii. |
| I | |
| Laura mara. fals brueills brancutz. Cla irir. Quel douses peissab fueillz. Els letz. Becs. dels aucels ramencs. Ten ba lbs emutz. Pars eno(n) pars. P(er) quieu mesfo rtz. De far edir plazers. amainz p(er) lei. Que ma uiratz bas daut. Don tem morir. Sils affanz noma soma. |
L'aur'amara fa∙ls brueills brancutz clairir que∙l dous'espeiss'ab fueillz el∙s letz becs dels aucels ramencs ten balbs e mutz pars e non pars per qu'ieu m'esfortz de far e dir plazers a mainz per lei que m'a viratz bas d'aut don tem morir si∙ls affanz no m'asoma. |
| II | |
| Can fon clara. ma prima lutz. Deslir. lei don crel cors los oills. No(n) pretz. Necs. Mans doncs aigonencs. Dautra ses dutz. rars. mos p(re)iars. P(er)o deportz. Mes adauzir. uolers. Bos motz segrei. Dellei don tant mazaut. Cal sieu seruir. Soi del petro la coma. |
Can fon clara ma prima lutz d'eslir lei don cre∙l cors los oills non pretz necs mans doncs aigonencs d'autra s'esdutz rars mos preiars pero deportz m'es ad auzir volers bos motz se grei de llei don tant m'azaut c'al sieu servir soi del pe tro la coma. |
| III | |
| Si man para. Cil quen tralutz. Dauzir. Si ques de pretz capduoillz. Dels quetz. precs. Cai de deinz arencs. ler fors rendutz. clars. Mos pensamenz. Queu fora mortz. Mas fam sof frir. les pres. Queill prec quem brei. Caissom tem let abaut. Que dals ausir. No(n) ual iois una poma. |
Si m'anpara cil que∙n tralutz d'auzir si qu'es de pretz capduoillz dels quetz precs c'ai de deinz a rencs l'er fors rendutz clars mos pensamenz qu'eu fora mortz mas fa∙m soffrir l'espres que∙ill prec que∙m brei c'aisso∙m tem let a baut que d'als ausir non val iois una poma. |
| IV | |
| Dousa cara. ab totz aibs uolgutz. soffrir. Mer p(er) uos mains orgoills. Quar ez. decs. De totz mos defens. Don ai mains brutz. pars. egaba rs. De uos nom tortz. Nim fai partir auers. Quans no(n) amei. ren tant ab mens dufaut. Ans uos desirs. plus que dieus sil de doma. |
Dousa cara ab totz aibs volgutz soffrir m'er per vos mains orgoills quar ez decs de totz mos defens don ai mains brutz pars e gabars de vos no∙m tortz ni∙m fai partir avers qu'ans non amei ren tant ab mens d'ufaut ans vos desirs plus que Dieus sil de Doma. |
| V | |
| Amors gara. Sui ben uencutz. chausir. Tem far sim de sacuoills. tals detz. precs. Que tes miels quet trencs. Queu sui fis drutz. Cars. Eno(n) auars. Mal cors ferms fortz. Men fai so frir. Mans uers cab tot lonei. Magrobs un bais al caut. Cor refrezir. Que noi ual autra goma. |
Amors gara sui ben vencutz chausir tem far si∙m desacuoills tals detz precs que t'es miels que∙t trencs qu'eu sui fis drutz cars e non avars ma∙l cors ferms fortz me∙n fai sofrir mans vers c'ab tot lo nei m'agr'obs un bais al caut cor refrezir que no∙i val autra goma. |
| VI | |
| Arat para çans econdutz. formir. al rei que ter escuoilltz. Car pretz. secs. chai lai on es do blencs. emantengutz. dars. Emaniars. De ioi lat portz. Son anel mir. Sis ders. Quanc no(n) estei. Jorn darragon quel saut. Noi uolgues ir. massai man clamat roma. |
Ara∙t para çans e condutz formir al rei que t'er escuoilltz car pretz secs chai lai on es doblencs e mantengutz dars e maniars de ioi la∙t portz son anel mir si∙s ders qu'anc non estei jorn d'Arragon que∙l saut no∙i volgues ir mas sai man clamat roma. |
| VII | |
| Fatz es la crotz. Quel cor remir. totz sers. lei cui domnei. Ses parsonier arnaut. Que nautrar bir. No(n) esfort mententa soma. |
Fatz es la crotz que∙l cor remir totz sers lei cui domnei ses parsonier Arnaut que∙n'autr'arbir non esfort m'entent'a soma. |