| I | |
| Ges defar siruentes nom tartz. ans lo fauc senes totz afans. tant es soptils mos genhs emartz. perquieu nai pres aital enans. (et) aitant de sort. q(ue) ueus mi estort. queill comte nill rei. nom for- feinor rei. |
|
| II | |
| Emas lo reis elcoms richartz. man per- donatz lurs mals talans. iamais guira utz ni naudoartz. nom do treguas nin talairans. ni ia dautafort. non fauc dr- eit ni tort. quis uol men guerrei. pos auer lo dei. |
|
| III | |
| Tant es fis deues totas partz. aim res- ta deguerral uans. pustela enson hueill qui men partz. si tot mo comensei en ans. pas nomaconort. ab guerra macort. quieu non tenc ni crei. negunautra lei. |
|
| IV | |
| Enoi gart diluns ni dimartz. ni sen- mana ni mes ni ans. nim lais per abril ni per martz. quieu non tracte com uengua dans. asels quem fan tort. eia us per fort. noi conquerram trei. lo pretz du(n) correi. |
|
| V | |
| Cals ques fassa sos bos izartz. ieu men soi tostems engrans. com puescauer cai- rels edartz. elms (et) auberct cauals ebra(n)s. cabaisom cofort. emtrac adeport. assaut etornei. donar edompnei. |
|
| VI | |
| Mos parsoniers es tan gaillartz. que uol las terras mos enfans. (et) ieu uueill len dar tan soi gartz. pueis diran que mals es bertrans. quar tot no lo port. mas amaluais port. uenra sous autrei. ans cabmi plaidei. |
|
| VII | |
| Iamais dautafort. no fas dreit ni tort. quis uol men guerrei. pos auer lo dei. |
|
| VIII | |
| Lo iutiamen crei. demon senhor lorei. |