| I | |
| GEs de far seruentes nomtarz. Q(e)na(n)z lo faz ses toz affanz. Tant es sotils mos gemz emarz. Qem sai gardar de toz enganz. Esai tant de sort. Qe uec uos mestort. Qeill comte nil rei. Nom forferon rei. |
GEs de far serventes no·m tarz q’enanz lo faz ses toz affanz tant es sotils mos gemz e m’arz qe·m sai gardar de toz enganz e sai tant de sort qe vec vos m’estort qe·ill comte ni·l rei no·m forferon rei. |
| II | |
| Puois lo reis richarz. man perdonat lurs mals talanz. jamais naimars ni naicharz. No(n) dontreuas ni talairanz. Niia dauta fort. No(n) laissarai ort. Quis uol men guerrey. Puois auer lo dey. |
Puois lo reis e·l coms richarz m’an perdonat lurs mals talanz jamais n’Aimars ni n’Aicharz no·m don treuas ni Talairanz ni ia d’Autafort no·m laissarai ort qui·s vol m·en guerrei puois aver lo dei. |
| III | |
| Mos parsoniers es tant gainartz. Qel uol ma terrasos enfanz. Et eu darai len tan siugarz. Puois diran qe mals es bertranz. Tant camaluaz port. Nauran la lor sort. En loli autrei. Qals cab mi plaidei. |
Mos parsoniers es tant gainartz q’el vol ma terra sos enfanz et eu darai len tan siu garz puois diran qe mals es Bertranz tant ca malvaz port n’auran la lor sort en lo li autrei qals c’ab mi plaidei. |
| IV | |
| Puois qe fins es detotas parz. Aminsobra de guerra uns panz. Pustella en luoill qi men parz. puois eu mo comencei enanz. p(er) paz nom conort. Cab guerra ma cort. Q(e)uno(n) tem ni crei negum autra lei. |
Puois qe fins es de totas parz amin sobra de guerra uns panz pustella en luoill qi m’en parz puois eu mo comencei enanz per paz no·m conort cab guerra m’acort q’eu non tem ni crei negun’autra lei. |
| V | |
| Sis uol fassa sos bels essarz. Q(e)umen sui mes toz temps engranz. Com puosca us cairels edarz. Elms (et)aubercs caualnsebrans. Cab ai som conort. Emtenc ade port. Assaut etor nei. Donar edomnei. |
Sis vol fassa sos bels essarz q’eu m’en sui mes toz temps en granz com puosca us cairels e darz elms et aubercs cavals e brans c’ab ai so·m conort e·m tenc a deport assaut e tornei donar e domnei. |
| VI | |
| Eu non gardi lolimdi nimarz. Niset ma nas nimes ni anz. Nin lais perabril ni per marz. Q(ue)unon serqe (con) uenga danz. Acels qui man tort. Et iab mi p(er)fort. Non (con)qerran trei. Lo prez dun correj. |
Eu non gardi lo limdi ni marz ni setmanas ni mes ni anz ni·n lais per abril ni per marz qu’eu non serqe con venga danz a cels qui m’an tort et i ab mi per fort non conqerran trei lo prez d’un correi. |
| VII | |
| Nomcal cal dauta fort. Mais far dreit ni ni tort. Q(e)l iutgamen crei. De mon seingno(r) lo rei. |
No·m cal cal d’Autafort mais far dreit ni ni tort qel iutgamen crei de mon seingnor lo rei. |