| I | 8a 8b 8a 8b 5c 5c 5d 5d |
| GEs de far siruentes no(m) tartz. ans lo fas senes totz afans. tant es sub tils mos genhs e martz. que zieu nai pres aital enans. (et) aitan de sort. que ueus mi estort. quel comte nil rey. nom forfeiro(n) rey. |
Ges de far sirventes no·m tartz ans lo fas senes totz afans, tant es subtils mos genhs e m'artz quez ieu n'ai pres aital enans, et ai tan de sort qu'eu eus mi estort que·l comte n·il rey no·m forfeiron rey. |
| II | 8a 8b 8a 8b 5c 5c 5d 5d |
| E mas lo reys el coms ri chartz. man perdonatz lurs mals talans. e mai guirautz nin au doartz. nom don treguas nin ta lairans. ni ia dauta fort. no fas dreyt ni tort. quis uol men guer rey. pus auer lo dey. |
E mas lo reys el coms Richartz m'an perdonatz lurs mals talans, e mai Guirautz ni·N Audoartz no·m don treguas ni·N Talairans ni ja d'Autafort; no fas dreyt ni tort qui·s vol me·n guerrey, pus aver lo dey. |
| III | 8a 8b 8a 8b 5c 5c 5d 5d |
| Quant es fis de ues totas partz. a mi resta de guerraluans. pus cel en son huelh qui men partz. si tot mo comensiey enans. patz nom a conort. ab guerra ma cort. quieu non tenh ni crey. negun autra ley. |
Quant es fis deves totas partz a mi resta de guerra·l vans: pusc(t?)el en son huelh qui me·n partz! Si tot mo comensiey enans patz no·m a conort ab guerra m'acort, qu'ieu non tenh ni crey negun'autra ley. |
| IV | 8a 8b 8a 8b 5c 5c 5d 5d |
| Enoy guart dilus ni di martz. ni setmana ni mes ni ans. nim lays per abril ni p(er) martz. q(ui)eu no tracte cu(m) uenha dans. a selhs q(ui)m fan tort. e ia us per fort. noy conquerran trey. lo pretz dun correy. |
E no·y guart di lus ni di martz, ni setmana, ni mes, ni ans, ni·m lays per abril ni per martz qu'ieu no tracte cum venha dans a selhs qui·m fan tort; e ja us per fort no·y conquerran trey lo pretz d'un correy. |
| V | 8a 8b 8a 8b 5c 5c 5d 5d |
| Quals que fassa sos bos yssartz. ieu men suy mes tostemps en grans. cum puescauer cairels e dartz. elms (et) aubercs cauals e brans. quabayssom cofort. em trac adeport. assaut e torney. do nar e domney. |
Quals que fassa sos bos yssartz, ieu me·n suy mes tostemps en grans cum puesc aver cairels e dartz, elms et aubercs, cavals e brans qu'ab aysso·m cofort e·m trac a deport assaut e torney donar e domney. |
| VI | 8a 8b 8a 8b 5c 5c 5d 5d |
| Mos parsoniers es tan gualarz. que uol la terra mos enfans. (et) ieu uuelh lui dar tan suy guartz. pueys diran que mals es berta(n)s. quar tot non loy port. mas amal uat port. uenra sous autrey. ans quab mi plaidey. |
Mos parsoniers es tan gualarz que vol la terra mos enfans, et ieu vuelh lui dar tan suy guartz? Pueys diran que mals es Bertans quar tot non loy port, mas a malvat port venra so·us autrey, ans qu'ab mi plaidey. |
| VII | 5a 5a 5b 5b |
| Iamais dauta fort. no fas dreit ni tort. quis uol menguerrey. pus auer lo dey. |
Jamais d'Autafort no fas dreit ni tort, quis vol m'en guerrey pus aver lo dey. |
| VIII | 5a 5a |
| Lo iutgamen crey. de mosse nhel rey. |
Lo jutgamen crey de mos senh el rey. |