| I | |
| De chanter ne me puis tenir. de la tres belle esperitaus. ke riens dou mont ne puet seruir. cui ia uiegne honte ne maus. ke li rois celestiaus qui en li dagna uenir. ne porroit mie sosfrir qui la sert quil ne fust saus. |
De chanter ne me puis tenir de la tres belle esperitaus, ke riens dou mont ne puet servir cui ja viegne honte ne maus; ke li Rois celestïaus, qui en li dagna venir, ne porroit mie sosfrir qui la sert qu’il ne fust saus. |
| II | |
| Quant Diex tant la uaut obei\r/ qui nestoit muables ne faus. b(ie)n nous ideuons dont tenir. dame roine naturaus. cil ki uous sera feaus. uous li saures b(ie)n merir. deuant uous porra uenir plus clers kestoile iornaus |
Quant Diex tant la vaut obeïr, qui n’estoit muables ne faus, bien nous i devons dont tenir, Dame reïne naturaux! Cil ki vos sera feaus vous li savres bien merir; devant vous porra uenir plus clers k’estoile jornax. |
| III | |
| Vostre beaute qui si resplent. fait tout le monde resclarcir. pour uous uint diex entre la gent. en terre pour la mort sosfrir. (et) alanemi tolir nous (et) gieter de torment. par uous auons uengement. (et) par uous deuons garir. |
Vostre beauté, qui si resplent, fait tout le monde resclarcir. Par vous vint Diex entre la gent en terre pour la mort sosfrir et a l’Anemi tolir nous et gieter de torment. Par vous avons vengement et par vous devons garir. |
| IV | |
| Dauid le sot premierement ke de li deuies issir q(ua)nt il parla si hautement par la bouce dou saint espir. uous nestes mie aflorir ains aues flors si poissant. cest diex ki onq(ue)s ne mant. (et) par tot fait son plaisir. |
David le sot premierement ke de li devïes issir, quant il parla si hautement par la bouce dou Saint Espir. Vous n’estes mie a florir, ains aves flors si poissant: c'est Diex ki onques ne mant et par tot fet son plaisir. |
| V | |
| Dame plaine de grant bonte de cortoisie (et) de pitie. par uous est tous ralumes li mondes nis li renoie. q(ua)nt il seront ra uoie (et) kerront ke diex soit nes. seront sauf b(ie)n le saues. dame aies de nous pitie. |
Dame, plaine de grant bonté, de cortoisie et de pitié, par vous est tous ralumes li mondez, nis li renoié. Quant il seront ravoié et kerront que Diex soit nes, seront sauf, bien le saves. Dame, aies de nous pitié! |
| VI | |
| Douce dame or uous pri gie. merci ke me desfendes. ke ie ne soie da(m)pnes. ne perdus par mon pechie[t] |
Douce dame, or vous pri gié merci, ke me desfendes ke je ne soie dampnes ne perdus par mon pechié! |