| I | |
| Contre le tens q(ui) deuise yuer et pluie deste. et la [m] mauuis se debrise. q(ui) de lonc tens na chante ferai chancon car agre. me uie(n)t que iai enpense. amors q(ui) en moi cest mise. bien ma droit son dart gete. |
Contre le tens qui devise yver et pluie d’esté, et la mauvis se debrise, qui de lonc tenz n’a chanté, ferai chançon car a gré me vient que j’ai enpensé. Amors, qui en moi c’est mise, bien m’a droit son dart geté. |
| II | |
| Douce dame de franchise. nai ie point en uos troue. cele ne si est puis mise. q(ue) ie ne uos esgarde. trop auez uers moi fierte. mais ce fet u(ost)re biaute ou il na point de deuise tant en ya grant plante. |
Douce dame, de franchise n’ai je point en vos trové, cele ne si est puis mise que je ne vos esgardé. Trop avez vers moi fierté, mais ce fet vostre biauté, ou il n’a point de devise, tant en y a grant planté. |
| III | |
| En moi na pas abstinence. que ie puisse aillors penser. fors qua li en conoissance. ne merci ne puis trouer. bien fui fais por li amer. car ne men puis saouler. et quant plus aurai che ance plus la me couient douter. |
En moi n’a pas abstinence que je puisse aillors penser fors qu’a li, en conoissance ne merci ne puis trover. Bien fui fais por li amer, car ne m’en puis saouler, et quant plus avrai cheance, plus la me covient douter. |
| IV | |
| Dune rien sui endoutan ce. que ie ne puis plus ce ler. quen li nait un poi de(n) fance. ce me fait desconfor ter. car sen moi abon pen ser. ne lose ele demostrer. se feist qua semblance le peusse deuiner. |
D’une rien sui en doutance que je ne puis plus celer: qu’en li n’ait un poi d’enfance. Ce me fait desconforter. car, s’en moi a bon penser, ne l’ose ele demostrer. Se feïst qu’a semblance le peüsse deviner! |
| V | |
| Desque ie li fis priere. et la pris a esgarder. me fist amors la lumiere des eus par le cuer entrer. cist con duis me fait greuer. dont ie ne me sai garder. nil ne peut torner ariere. li cuers melz uoudroit creuer. |
Dés que je li fis priere et la pris a esgarder, me fist Amors la lumiere des eus par le cuer entrer. Cist conduis me fait grever dont je ne me sai garder, n’il ne peut torner ariere; li cuers melz voudroit crever. |
| VI | |
| Dame auos mestuet cla mer. et que merci uos re quiere. dex mi doint mer ci trouer. |
Dame, a vos m’estuet clamer, et que merci vos requiere. Dex m’i doint merci trover! |