[c. 12r]
 |
| Li rois de nauare. Au tans plain de felonie denuie (et) de traison. de tort (et) de mespriso(n) sans b(ie)n (et) sans cortoisie (et) ke entre nos barons faisons tout le siecle empirier ke ie uoi escumenier. ceaus ki plus offre(n)t raiso(n) lors uoil dire une cancon |
[c. 12v]
 |
| Liroiaumez de surie nous dist (et) crie a haut ton. se nous ne nous amendons pour dieu ke ni alons mie ni feriens se mal non. diex aime fin cuer droiturier de tex gens se ueut aidier cil essauceront son non. (et) conquerront sa maison. Encoire aim miex toute uoie demorer ou saint pais. ke aler poures chaitis la ou ie solas nauroie. phelippe on doit paradis conquerre pour mal auoir. ke uous ni troueres uoir bon estre ne ieu ne ris ke uous auies apris. Amors a |
 |
| couru emproie (et) si men maine tout pris en lostel ce mest auis dont ia issir nen q(ue)r roie sil estoit amon deuis. dame cui beautes fet oir ia de prison nistrai uis ainz morrai loialz amis. Dame moi couient remaindre de uous ne me quier par tir. de uous amer (et) seruir. ne me seuc onq(ue)s ior faindre. si me uaut bien .i. morir lamors qui masaut souent ades uostre merci atent. ke b(ie)ns ne me puet uenir sen est par uostre plaisir. Chancon ua moi dire lorent q(ui)l se gart outreement de grant folie envair. quen lui auroit faus mentir |