| I | |
| GEs de far sirue(n)tes nom tartz. Q(ue)nanz los fatz ses tortz affanz. Tant es sotils mes geins ema rr<i>tz. Que(m) sai gardar de totz enganz. Esai ta(n)t desort. Que uec uos me stort. Queil comte nil rei. Nom forfero(n) rei. |
Ges de far sirventes no·m tartz qu'enanz los fatz ses tortz affanz tant es sotils mes geins e m'arrtz que·m sai gardar de totz enganz e sai tant de sort que vec vos m'estort que·il comte ni·l rei. No·m forferon rei. |
| II | |
| Pois lo reis elo coms richartz. Man p(er)donat lurs mals talanz. Jamais naimars ni naychartz. No(m) don treuas ni tailaranz. Ni ia dautafort. No(m) lassa rai ort. Quis uolmen guerrei. Pois auerlo dei. |
Pois lo reis e·lo coms Richartz ar an perdonat lurs mals talanz jamais N'Aimars ni N'Aychartz no·m don trevas ni Tailaranz ni ja d'Autafort no·m lassarai ort qui·s vol me·n guerrei pois aver·lo dei. |
| III | |
| Mos parsoniers es ta(n)t gainatz. Quel nol mate(r) ra asos enfanz. Et eudarai len tant soi gart. Pos diran que mals es bertra(n)z. Tant camaluatz port. Nauran la lur sort. Eu lo li autrei. Quals cab mi plaidei. |
Mos parsoniers es tant gainatz qu'el no·l materra a sos enfantz et eu darai le·n tant soi gart? pos diran: que mals es Bertranz! Tant c'a malvatz port n'auran la lur sort eu lo li autrei quals c'ab mi plaidei. |
| IV | |
| Pois fis es de uas totas partz. Amin sobra uns panz. pustulla en loill qui me(n)zi partz. Pois eu no com(m)cei enanz. p(er) patz nom conort. Cab guer ra ma cort. Queu no tem ni crei. Negum autra lei. |
Pois fis es devas totas partz a mi·n sobra uns panz pustulla en l'oill qui me·nz·i partz pois eu no commcei enanz per patz no·m conort c'ab guerra m'acort qu'eu no tem ni crei negun' autra lei. |
| V | |
| Quis uol fassa sos bels escartz. Queu men sui mes totz temps engranz. Com puosca auer cairels edar tz. Elmz eb aubercs cauals ebranz. Cab aisom con ort. Em tenc adeport. Assaut etornei. Donar edom nei. |
Qui·s vol fassa sos bels escartz qu'eu me·n sui mes totztemps en granz cum puosca aver cairels e dartz elmz et aubercs cavals e branz c'ab aiso·m conort e·m tenc a deport assaut e tornei donar e domnei. |
| VI | |
| Eu no(m) gardi luns di ni martz. Ni setmanas ni mes ni anz. Nim lais p(er) abrils ni p(er) martz. Qeu no(n) serque co(m)uenga danz. Acel qui man tort. Et iab mi p(er) fort. No(n) conqueiran trei. Lo pretz dun correi. |
Eu no·m gardi lunsdi ni martz ni setmanas ni mes ni anz ni·m lais per abrils ni per martz q'eu non serque com venga danz a cel qui m'an tort et i ab mi per fort non conqueiran trei lo pretz d'un correi. |
| VII | |
| Nom cal dautafort. Mas far dreit ni tort. Quel iugamen crei. De mon sei(n)gnor lo rei. |
No·m cal d'Autafort mas far dreit ni tort qu'el jutgamen crei de mon seignor lo rei. |