| I | |
| GEs de far sirue(n)tes nom tartz. Q(ue)nanz los fatz ses tortz affanz. Tant es sotils mes geins ema rr<i>tz. Que(m) sai gardar de totz enganz. Esai ta(n)t desort. Que uec uos me stort. Queil comte nil rei. Nom forfero(n) rei. |
Ges de far sirventes no·m tartz qu'enanz los fatz ses tortz affanz Tant es sotils mes geins e m'arrtz Que·m sai gardar de totz enganz E sai tant de sort Que vec vos m'estort Qu'eil comte ni·l rei. No·m forferon rei. |
| II | |
| Pois lo reis elo coms richartz. Man p(er)donat lurs mals talamz. Jamais naimars ni naychartz. No(m) don treuas ni tailaranz. Ni ia dautafort. No(m) lassa rai ort. Quis uolmen guerrei. Pois auerlo dei. |
Pois lo reis e·lo coms Richartz aran perdonat luns mals talamz jamais n'Aimars ni n'Aychartz no·m don treuas ni Taularanz ni ja d'Autafort no·m lassarai ort qui·s vol me·n guerrei pois aver·lo dei. |
| III | |
| Mos parsoniers es ta(n)t gainatz. Quel nol mate(n) ra asos enfanz. Et eudarai len tant soi gart. Jas diran que mals es bertra(n)z. Tant camaluartz port. Nauran la lur fort. Eu lo li autrei. Quals cab mi plaidei. |
Mos parsoniers es tant gramatz qu'el no·l matenra a sos enfantz et eu darai len tant soi grart? jas diran: que mals es Bertranz! Tant camaluartz port nauran la lur fort eu lo li autrei quals c'ab mi plaidei. |
| IV | |
| Pois fis es de uas totas partz. Amin sobra uns panz. pustulla en loill qui me(n)zi partz. Pois eu no com(m)cei enanz. p(er) patz nom conort. Cab guer ra ma cort. Queu no tem ni crei. Negum autra lei. |
Pois fis es devas totas partz a mi·n sobra uns panz pustulla en l'oill qui menzi partz pois eu no commcei enanz per patz no·m conort c'ab guerra ma cort qu'eu no tem ni crei negun autra lei. |
| V | |
| Quis uol fassa sos bels escartz. Queu men sui mes totz temps engranz. Com puosca auer cairels edar tz. Elmz eb aubercs cauals ebranz. Cab aisom con ort. Em tenc adeport. Assaut etornei. Donat edom nei. |
Quis vol fassa sos bols escartz qu'eu men sui mes totztemps engranz cum puosca aver cairels e dartz elmz et aubercs cavals e branz c'ab aiso·m conort sin tene adeport eissaut e tornei donat e domnei. |
| VI | |
| Eu no(m) gardi luns di ni martz. Ni setmanas ni mes ni ain. Nim lais p(er) abrils ni p(er) martz. Qeu no(n) serque co(m)uenga danz. Acel qui man tort. Et iab mi p(er) fort. No(n) conqueiran trei. Lo pretz dun correi. |
Eu no·m gar diluns ni dimartz ni setmanas ni ain ni mes ni·m lais per abrils ni per martz q'eu non serque com venga danz a cel qui man tort et jab mi per fort non conqueiran trei lo pretz d'un correi. |
| VII | |
| Nom cal dautafort. Mas far dreit ni tort. Quel iugamen crei. De mon sei(n)gnor lo rei. |
No·m cal d'Autafort mas far dreit ni tort qu'eu jutgamen crei de mon seignor lo rei. |