[c. 6rb]
 |
Li rois de nauare De fine amor uient seanche (et) bonte. (et) amours uie(n)t de ches .ii. autresi tout troi so(n)t un ki bien ia pense. ia ne se ront a nul iour de parti. par .i. consel ont tout troi establi. leur coureour q(ui) ont auant ale. de moi ont fait tout leur chemin fere. tant lont use ianen seront parti. Li coureour sont denuit |
[c. 6va]
 |
en clarte. (et) de iour sont pour la gent oscurchi. li douc regart (et) li mot sauoure. la grans biau tes (et) li bie(n)s q(ue) gi ui nest m(er)ueille se che ma esbahi de li a dieus le siecle enlumine car ki ueroit le plus bel iours deste. les li seroit oscur a plain midi. En amour a paour (et) harde mant. chil troi sont doi (et) du tiers sont li dui (et) grans ualor ont a eus a pendant. ou tout li bien ont retrait (et) refui. pour chest am(or) li ospitaus dautrui q(ue) nus ni faut selonc son auenant. giai faili dame qi uales tant a u(ost)re hostel si ne sai ou ie sui. Ieni uois plus mais adieu me (con)mant q(ue) tous pensers ai laisies pour chestui. ma bele ioie ou ma mort iatent ne sai lequel mais q(ue) deuant li fui ne me firrent le uair oeil point danui ains me uir rent ferir dun douc talant. ke(n) cor iest li caus q(ue) iou rechui. Li caus fu grans ilne fait ken pirier. nenus mires nemen por roit saner. sechele non q(ui) le dart fist lanchier. se de sa main iuo loit adeser. b(ie)n en porroit le cop mortel oster. a tout le fust dont |
[c. 6vb]
 |
iai tel desierrier. mais la pointe du fer nen peut sacier. kele b(ri)sa dedenz au caup douner. |