| Cercamons. xxviii. | Cercamons XXVIII |
| I | |
| Q uant laura dousa samarcis. Efuoilla chai desus uiran. Elausel chantan e(n) lor lats. Et eu dechai sospirechan. Damor qem ten lazat e pres. Ni ancar nolac en poder. |
Quant l'aura dousa s'amarcis e fuoilla chai de sus viran e l'ausel chantan en lor lats et eu dechai sospir e chan d'amor qe·m ten lazat e pres ni ancar no l'ac en poder. |
| II | |
|
L as q(ue)u damor n(on) ai (con)quis. Mas las trabaillas
el affan. Ni rentant greu ni (con)u(er)tis. Cu(m) so qom
plus ua desiran. Ni tal enueia no(n) faires. Cum aso qom n(on) pot auer. |
Las queu d'amor non ai conquis mas las trabaillas e l'affan ni rentant greu ni convertis cum so q'om plus va desiran ni tal enveia non fai res cum aso q'om non pot aver. |
| III | |
| P er so dun ioi men esiauzis. Duna quanc ren no(n) amiei tan. Qua(n)t son ablei simesbais. q(ue)u noill sai dire mon talan. Equa(n)t me(n) uau ueiaire mes. Que tot p(er)dal sen el saber. |
Per so dun ioi men esiauzis d'una qu'anc ren non amiei tan quant son ab lei si m'esbais q'eu no·ill sai dire mon talan E quant men vau veiaire m'es que tot perda·l sen e·l saber. |
| IV | |
| T ot la genser que anc hom uis. En(con)tralei no(n) pretz un gan. Qua(n)t totz lo segles brune zis. lai on ill es aqui resplan. Deus me resp it tro q(ue)u lagues. Oq(eu)e lauei anar iaser. |
Tot la genser que anc hom vis encontra lei non pretz un gan quant totz lo segles brunezis lai on ill es aqui resplan deus me respit tro qeu lagues o q'eu la vei anar iaser. |
| V | |
| N i muor ni uui ni no(n) garis. Ni mal no(n) se(n)t esi lai gran. Car de samor n(on) sui deueis. Ni nos sai q(ue) nauira ni quan. Q(ue)n leis es totala m(er)ces. Qem pot sorzer edechazer. |
Ni muor ni viu ni non garis ni mal non sent e si l'ai garis car de s'amor non sui deveis ni nos sai que n'avira ni quan q'en leis ez tota la merces. qe·m pot sorzer e deschazer. |
| VI | |
| T otz tressaill ebran efremis. p(er)samor dorm en eueillan. Tal paor ai q(eu)u n(on) faillis. Non sai pensar cu(m) la deman. Mas s(er)uir la dos ans o tr es. Epois ben leu sabrai lo uer. |
Totz tressaill e bran e fremis per s'amor dormen e veillan tal paor ai qeu non faillis non sai pensar cum l'ademan mas seruir la dos ans o tres e pois ben leu sabrai lo uer. |
| VII | |
| S ellam nom uol uolgra moris. lo dia q(ue)m pres acoman. hai dieus qua(n)t soauet maucis. qua(n)t de samor me fis senblans. Q(ue) mamort eno san p(er) ques. Q(ue)u mais una n(on) uoill uezer. |
S'ellam no·m vol volgra moris lo dia qe·m pres a coman hai dieus quant soavet m'aucis quant de s'amor me fis senblan qe ma mort e no san per ques q'eu mais una non voill vezer. |
| VIII | |
| G anz n(on) ai sella men solletis. Om fai musar ouan badan. Et esine bel si mes carnis. Om torn dezeires oenan. Capiob lo mal me(n) ue(n)ra bos. Ben tost sa lei uen a palzer. |
Gauz nai sella m'enfolletis om fai musar o van badan et es me bel si m'escarnis o·m torn dereires o enan c'approb lo mal m'en venra bes ben tost sa lei ven a plazer. |
| IX | |
| P er lei serai totz fals ofis. Ou(er)tadiers oplens denian. Ototz uilans ototz cortes. Otrebailli eis oplens dafan. Cercalmo(n)s ditz greuer cor tes. hom que damor se desesper. |
Per lei serai totz fals o fis o vertadiers o plens d'enian o totz vilans o totz cortes o trebailliers o plens dafan. Cercalmons ditz: greu er cortes, hom que d'amor se desesper. |