[c. 230vb]
 |
Feuille ne flor ne uaut riens en cha(n) tant fors por defaut sanz plus de rimoier (et) por faire solaz vilai(n)ne gent qui mauuais font souant abaier. ie ne chant pas por aus esbanier. mais por mo(n) cuer faire un po plus ioiant. quns malades en gariroit souant par .i. (con)fort qua(n)t il ne puet mangier. Qui uoit uenir son en(n)emi courant por traire a lui gra(n)z |
[c. 231ra]
 |
saietes dacier. bien se deuroit trestorner en fuiant (et) garantir se il puet de l’archier. (et) quant amors uient plus a moi lancier (et) mai(n)s le fui cest merueille trop grant quai(n)si recoil le cop encontre la gent (com) se iestoie touz seus en .i. uergier. Ie sai deuoir q(ue) ma dame ai(n)me tant (et) plus assez cest por moi corrocier. (et) ie laig plus q(ue) nule riens uiuant si me doint diex son gent cors ambracier. car cest la riens que plus auroie chier. (et) se ian sui pariurs aesciant lan me deuroit trai ner tout auant (et) puis pendre plus haut q(ue) .i. clochier. Se ie li di dame ie uous aig tant ele dira il me uient angignier nan moi na pas ne sens ne hardeme(n)t. que ie uers li mosasse desrainier. cuers me faudroit qui me deuroit aidier ne pa role dautrui ne uaut noiant. Que fe rai ie (con)soilliez moi amant li quex uaut miex ou parlers ou laissiers. ie ne di pas que nus aint folem(en)t. car li plus fox en fait mai(n)s a prisier (et) grans anuiz i a mestier souant. plus q(ue) na sens ne for ce de plaidier. de bien amer ne puet nus ansaignier. fors q(ue) li cuers qui done le talent. |