| folquet |
| Folquet |
|
dieus uers el uostre nom ede sancta maria. mesueilharai ay mais pus leste
la del dia. uen daus ihrl(e)m que me(n) senha quieu dia. estatz suseleuatz sein
ho(r)s q(ue) dieus amatz. quel ior(n) es apromiatz. ela nueg ten sa uia. esian dieus lauzatz. p(er) nos et aoratz. el preguem quens don patz. atota nostra uia. la nueg uai el ior(n) ue. ab cel clar esere. elalba nos rete. anses belle |
| I |
| Dieus vers, el vostre nom e de sancta Maria m’esveilharai aymais, pus l’estela del dia ven daus Ihrlem, que m'en senha qu'ieu dia: estaitz sus e levatz, seinhors que Dieus amatz! que·l jorn es apromiatz e la nueg ten sa via; e sia·n Dieus lauzatz per nos, e aoratz, e·l preguem que·ns don patz a tota nostra via. La nueg vai e·l jorn ve ab clar temps e sere e l’alba no·s rete ans es bell'. |
| Senher dieus q(ue) nasques de la uerges maria. p(er) nos garir demort e p(er) restau rar lauia. p(er) destr uire y fern quel diables tenia. e fos encros leuatz. despinas coronatz. e de fel abeuratz. seinhêr merce uos cria. aquest pobol honratz. qu el uostra piatatz. li p(er)dons lur peccatz. amen dieus aisi sia. la nueg uai els ior(n)s ue. ab cel clar esere. |
| II |
| Senher Dieus que nasques de la Verges Maria per nos garir de mort e per restaurar la via per destruire y fern que·l diables tenia e fos en cros levatz de spinas coronatz e de fel abeuratz, Senhêr, merce vos cria aquest pobol honratz, que·l vostra piatatz li perdons lur peccatz; amen, Dieus, aisi sia. La nueg vai e·ls jorns ve ab clar cel e sere. |
| Qui nô sap dieus preguar obs es que hoapre(n)da. (et) auja quieu dirai et es cout et ente(n)da. dieus qui comensamens es de tota fazenda. laus uos ren et merces. del bes queu faitz anc se. preg uos senhêr queus prenda. gran pietat deme. que nom tr uop nim mal me. ni men gane dere. diables nimmes prenda. la nueg uai els ior(n)s ue. ab cel clar esere. |
| III |
| Qui nô sap Dieus preguar obs es que ho aprenda et auja qu’ieu dirai et escout et entenda: Dieus que comensamens es de tota fazenda laus vos ren e merces del bes qu'eu faitz ancse; preg vos, Senhêr, que·us prenda gran pietat de me, que no·m truop ni·m malme ni m’engane de re diables ni·m mesprenda. La nueg vai e·ls jorns ve. Ab cel clar e sere. |
| Dieus donatz mi saber e sen con ieu aprenda. uostres sains ma(n) damens. els auia els entenda. el uostra pietatz quem gueris quem defenda. daquest segle terre. q(ue) no(m) trabuc ab se. quieus uos ad or eus cre. senher eus fauc ufrenda. de mi ede ma fe. quaissi tainh eus coue. p(er) quieu uos quier merce. e des mostortz esmenda. la nuech uai el ior(n) ue. ab cel clar esere. |
| IV |
| Dieus, donatz mI saber e sen ab con ieu aprenda vostres sains mandamens e·ls auja e·ls entenda, e·l vostra pietatz, que·m gueris, que·m defenda d'aquest segle terre que no·m trabuc ab se; qui e·us vos ador e·us cre, Senher, e·us fauc ufrenda de mi e de ma fe, qu’aissi·s tainh eu·s cove; per qu'ieu vos quier merce e de mos tortz esmenda. La nuech vai e·l jorn ve ab clar cel e sere. |
| Aquel glorios dieus q(ue)son cors det auenda. p(er) totz asaluar preg q(u)entrenos estenda. lo sieu sant esperit q(ue) de mal nos de fenda. e dai tan nos estre. er ab los siues nos me. lai sus on si capte. ens meta dins sa tenda. la nueg uai el ior(n) ue ab cel clar esere. |
| V |
| Aquel glorios Dieus que son cors det a venda per totz a salvar preg qu’entre nos estenda lo sieu Sant Esperit que de mal nos defenda, e d’aitan nos estre er ab los sieus nos me lai sus on si capte, e·ns meta dins sa tenda. La nueg vai e·l jorn ve ab cel clar e sere.
|