| Arnautz daniels | Arnautz daniels |
| I | |
| Sols sui que sai loso brafan que(m) sortz. Al cor damor sofren p(er) sobramar. Que mos uolers es tan ferms et entiers. Q uanc no(n) ses deueis de celleis ni sestors. Cui en cubir als prims uezers epueis. Cades ses lei dic alei cen bos motz. Puois qua(n) lauei no(n) sai tan lai que dire. |
Sols sui que sai lo sobrafan que·m sortz. Al cor d'amor sofren per sobramar. Que mos volers es tan ferms et entiers. Qu'anc non s'esdeueis de celleis ni s'estors. Cui encubir als prims uezers e pueis. C'ades ses lei dic a lei cen bos motz. Puois quan la vei non sai tan l'ai que dire. |
| II | |
| Dautras uezer sui secs edauzir sortz. Qu en sola lei neg et aug et esgar. Eges de so no(n) son fals plasenners. Que mais la uoill no(n) di labocal cors. Que tan no(n) uau precuaus ni plaus ni pueis. Que nu(n) sol cors trob aissis bos aibs totz. Quen leis los uolc dieus triar et aissire. |
D'autras vezer sui secs e d'auzir sortz. Qu'en sola lei neg et aug et esgar. E ges de so non son fals plasenners. Que mais la voill non di la boc al cors. Que tan non vau precuaus ni plaus ni pueis. Qu'en un sol cors trob aissis bos aibs totz. Qu'en leis los volc Dieus triar et aissire. |
| III | |
| Ben ai estat amantas bonas cortz. Mas sai ab lei trop pro mais que lausar. Mes ure sen eautros bons mestiers. Beutat io uen bons fatz ebels demors. Gen lensei gnet cortesia ladueis. Tant adesi totz fa tz desplasens rotz. De lei no(n) cre ren de ben sia dire. |
Ben ai estat a mantas bonas cortz. Mas sai ab lei trop pro mais que lausar. Mesur'e sen e autros bons mestiers. Beutat ioven bons fatz e bels demors. Gen l'enseignet cortesia la dueis. Tant a de si totz fatz desplasens rotz. De lei non cre ren de ben si'a dire. |
| IV | |
| Nuls iauzimenz nom fora breus ni cortz. Dellei cui prec couoilla deuinar. Que ia p(er) mi no(n) osabra estiers. Sil cors ses dins no p(re)zenta de fors. Que ges rosers p(er) aiga que len grueis. No(n) atal briu cancor plus larga doz. Nom fas estanc damor tan la de sire. |
Nuls iauzimenz no·m fora breus ni cortz. De·llei cui prec c'o voilla devinar. Que ia per mi non osabra estiers. Si·l cors ses dins no prezenta de fors. Que ges Rosers per aiga que l'engrueis. Non a tal briu can cor plus larga doz. No·m fas estanc d'amor tan la desire. |
| V | |
| Iois esolatz dautrui par fols ebortz. Cu na de pretz ablei nos pot egar. Quels si eus sol ques dels autres sobriers. Aisi n(on) lai las tan mal ma comors. P(er)o lafanz mes deportz ris emers. Ques enpensan soi delei lecs eglotz. Ai dieus si ian sera e stiers iauzire. |
Iois e solatz d'autrui par fols e bortz. C'una de pretz ab lei no·s pot egar. Que·ls sieus sol qu'es dels autres sobriers. Aisi non lai, las, tan mal m'a comors. Pero l'afanz m'es deportz ris e mers. Qu'es en pensan soi de lei lecs e glotz. Ai Dieus si ia'n sera estiers iauzire. |
| VI | |
| Anc mais ses pliu nom platz tan treps ni bortz. Ni res alcor tan de ioi nom poc dar. Com fes aquel don anc fals lausen giers. No(n) ses bruzit cami sol so es tresor. Dic trop eu no(n) sol lei no(n) si enueis. Bella p(er) dieu lo parlar ela uotz. Voill p(er)dre nans quieus diga ren queus tire. |
Anc mais ses pliu no·m platz tan treps ni bortz. Ni res al cor tan de ioi no·m poc dar. Com fes aquel don anc fals lausengiers. Non s'esbruzit c'a mi sol so es tresor. Dic trop? Eu non, sol lei non si enueis. Bella per Dieu lo parlar e la votz. Voill perdr'enans qu'ieus diga ren que·us tire. |
| VII | |
| Ema chansos prec que nos si emueis. Que si uoletz grazir lo son nils motz. Pauc pr etz arnautz au que plaso cui tire. |
E ma chansos prec que nos si emueis. Que si uoletz grazir lo son nils motz. Pauc pretz Arnautz au que plaso cui tire. |