 |
Bernartz del uentadorn. Pel douz chanz que rosignols fay. La nueg qan mi sou adormit. Reueill de ioi totz esbaitz. Damor pensius econsiran. Caisis es mos meillors mestiers. Qe tostemps ai ioi uo- lontiers. Et ab ioi comensa mos chanz. Qui sabia (lo) ioi quieu ai. Que iois fos uezutz ni auzitz. Totz au- tres iois fora petitz. Ues quieu tenc quel mieus iois es gr(a)nz. Tals si fai cuendes eparliers. Queu cui |
 |
deser rics e sobriers. De finamor queu nai dos tanz. Domna uostra soi eserai. De seruizi garnitz. Uostrom sui iuratz epleuitz. E uostres mera desabanz. E uos es lo mieus iois p(ri)miers. Esi seres uos loderres. Tan com la uida mer duranz. Cant eu remire son cors gai. Con es be faiz duranz a totz chau- zitz. Sa cortesia esos bels ditz. Ia mos lauzars nomerau anz. Cobs mi aurua a us ans entier. Sim uol esser uertadiers. Tant es cor- tese benestanz. Cels que cuidon qe sia. Non sabon ies com lesperitz. Es delleis priuatz et auzitz. Si tot lo cors se nes loignatz. Sapchatz lo miel- ler messagiers. Cai dellei es mos conseriers. Que(m) recorda sos bels se(m)- blanz. Non sai mais cora uos uerai. Mas uauc me(n) iratz emaritz. Per uos me soi del rei partitz. Eprec uos que nom sia danz. Quieus se- rai en cort presentiers. Entre domnas e caualliers. Francs e douz et humelianz. Uget mos cortes messagiers. Cantatz ma chanson uolontiers. A la raina delz normanz. |