| folquet demarselha. | Folquet de Marselha. |
| I | |
| Sal cor plagues ben forau mai sazos. de far canson p(er) ioi a mantener. mas tan mi fai mauentura doler. quan bem cossir los bes els mals q(ui)eu ai. que tug dizo que rix sui e bem uaj. e sel quec ditz no(n) sap ges ben lo uer. que benanansa non pot luns hom auer. de lunharen mas daquo qual cor plai. per que na mais us paubres sies ioyos. qus rix ses ioi ques tot lan cossiros. |
S'al cor plagues, ben fora umais sazos de far canson per Joia mantener, mas tan mi fai m'aventura doler quan bem cossir los bes els mals qu'ieu ai; que tug dizo que rix sui e be·m vai, e sel quec ditz non sap ges ben lo ver, que benanansa non pot l'uns hom aver de lunha ren mas daquo qu'al cor plai, per que n'a mais us paubres sies joyos q'us rix ses joi qu'es tot l'an cossiros. |
| II | |
| E sieu anc iorn fui gays ni amoros. er non ai ioi damor ni non lesper. ans mi semblon tus autre ioi esmai. pero damor quel uer uos en dirai. nom lais del tot ni nomen puesc mouer. ni sus non uau ni no puesc re maner. aissi quom sel que mieg del albrestai. ques tan poiatz que non pot tornar ios. ni sus non uai tan li par temeros. |
E s'ieu anc jorn fui gays ni amoros, er non ai joi d'amor ni non l'esper, ni autres bes no·m pot al cor plazer, ans mi semblon tus autre ioi esmai; pero d'amor - que·l ver vos en dirai - no·m lais del tot ni no m'en puesc mover: ni sus non vau ni non puesc remaner, aissi quom sel que mieg del albr'estai, qu'es tan pojatz que non pot tornar jos, ni sus non vai, tan li par temeros. |
| III | |
| Pero nom lais si tot ses perilos. que sus non pueg a des amon poder. e deuriam dona fis cors ualer. que be sabetz que la nom recreirai. quab ar diment apodere les glai. e non tem mal quemen puesqueschazer. per queus er gen sim denhatz retener. el gazardos er aital quom seschai. que neys lo do nes faitz bos gazar dos. a sel que sap dauinent far sos dos. |
Pero no·m lais, si tot s'es perilos, que sus non pueg ades a mon poder; e deuria·m dona fis cors valer, que be sabetz que ja no·m recreirai, qu'ab ardiment apodere l'esglai, e non tem mal que m'en pues eschazer; per que·us er gen si·m denhatz retener, e·l gazardos er aital quom s'eschai: qu'en eys lo do nes faitz boz gazardos a sel que sap d'avinent far sos dos. |
| IV | |
| Si anc merces ac lunh poder en uos. tragas enans si iam uol pro te ner. quieu nomen fi en pretz ni en saber. ni en chansos mas be(m) conosc e sai. que merces uol so que razos dechai. per q(i)eu uos cug ab merce co(n) querer. que mes escutz contral sobre ualer. que es en uos em fai metren assai. de uostra mor so quem ueda ra zos. Em fai cuiar aisso caunimêt fos. |
Si anc Merces ac lunh poder en vos, traga·s enans, si ja·m vol pro tener; qu'ieu no m'en fi en pretz ni en saber ni en chansos mas be·m conosc e sai que Merces vol so que Razos dechai; per q'ieu vos cug ab merce conquerer que m'es escutz contra·l sobrevaler que es en vos; em fai metr'en assai de vostr'amor so que·m veda Razos, em fai cuiar c'avinimêt fos. |
| V | |
| Ara conosc que trop sui oblidos.q(a)r al comensame(n) mi desesper. de mas chansos pos uuelh merce querer. fa rai o doncs aissi quol ioglar fai. q(a)is si quom muou lo lais lo fenirai. desesperar mai pus non puesc uezer. razo per quel deia de me caler. pero al mens aitant en retenrai. quins e mon cor lamarai a rescos. e dirai ben de lieis e mas chansos. |
A ra conosc que trop sui oblidos qar al comensamen mi desesper de mas chansos, pos vuelh merce querer; farai o doncs aissi quo·l ioglar fai: q'aissi quom muou lo lais lo fenirai, desesperar, mai pus non puesc vezer razo per que·l deia de me caler; per al mens aitant en retenrai qu'ins e mon cor l'amarai a rescos e dirai ben de lieis e mas chansos. |
| VI | |
| Mentir cugei mas estagrat dic uer. quar mestaua trop miels quara no faj. e cugei far creire so que no fos. mas mal mon grat sauera ma cha(n)sos |
Mentir cugei, mas estra grat dic ver, qu'ar m'estava trop mieils qu'ara no fai, e cugei far creyre so que no fos, mas mal mon grat s'avera mas chansos. |
| VII | |
| Fi naymans sabia so q(ui)eu sai. dir poi ria cuna paucochaizos. notz en amor mai que noi ual razos. |
Fi N'Aymans sabia no qu'ieu sai dir poiria c'una pauc'ochaizos notz en amor plus que no·i val razos. |