| bernat del uentador Aras co(n)seilhatz seinhor. uos caues saber esen. una doma det samor. cai amada loniamen. et ara sai p(er) uertat. quellautre amic priuat. et anc de nulh co(m)painhon. co(m)painha tan greu no(m) fon. E sieu lam adesonor. esquerns er atota gen. etenran men li pluzor. p(er) cornut ep(er) sufren. es aissi pert samistat. ueus mo(n) dapnage do blat- cal quen fassa ocal que non. res no(n) men pot esser bon. Epus ieu uei la follor. ben serai fols sieu nom pren. daquest dos mals lomilhor. cal ual mas mo(n) escien. auer en liei lamitat. quel tot per dre p(er) foldat. car anc anulh drut fellon. damor no(n) ui far son pron. Silla uol autraimador. ma domnieu no(n) loi defen. elais men mais p(er) pa or. q(ue) p(er) autrenseinhamen. esi hom deu auer grat. de nulh seruizi forsat. ben dey auer guizardon. ieu car tan gra(n) tort perdon. Li sieu bel hueilh traidor. q(ue) mes gardauon tan gen. si aissi gardon alhor. mot y fan gra(n) failhimen. mai daita(n)t man ben onrat. que ssero(n) mil aiostat. mai gardo(n) lai on ieu son. ca totz aicels deuiron. Duna ren soy en error. et estant en pe(n)samen. quieu doblarai mado lor. sieu aquest plag li co(n)sen. esim part de samistat. tenc mi pe(r) de zeretat. damor eia deus nom don. pueis faire uers ni canson. De laiga q(ue) dels hueilhs plor. escriu salutz mai de cen. q(ue) tramet ala gensor. et ala plus auinen. mantas ues mes pueis menbrat. lamor que(m) fes al comiat. quiel ui cobrir sa faisson. ca(n)t no(n) poc dir oc ni non. Domna aprezent amatz. lautre emi acelatz. si quieu naya tot lo pron. (et) el la bella razon. |