| Rubrica | |
| Sercamons. | Sercamons |
| I | |
| P os nostre temps comenza brunezir. e li uerian son de la foilla blos e de soleis. uei fan baissan los rais. per qeil iorn. son escurs e tenebros. (et) hom non au dauzel ni chant ni lais. p(er) ioi damor nos deu om esbaudir |
Pos nostre temps comenz'a brunezir e li verian son de la foilla blos e de soleil vei tan baissar los rais per qeil iorn son escurs e tenebros et hom non au d'auzel ni chant ni lais per ioi d'amor nos deu om esbaudir |
| II | |
| A l qestamor non pot hom tan seruir. qe milaitan. noil doblles gui zardos. qe pretz e iois eran qant esemais nauran aicel qi serant pode ros. qanc non passet couinent nil efrais. mais p(er) semblan greus es a co(n)qerer |
A qest'amor non pot hom tan servir qe mil aitan no·il dobles guizardos qe pretz e iois erant qant es e mais n'auran aicel qi serant poderos qanc non passet covinent ni l'efrais mais per semblan greus es a conqerer |
| III | |
| P er leis deu hom esperar. e sofrir tan es sos pretz ualenz e cabalos. canc non ac soin. dels amadors sauais de ric estars ni pauper orgoillos de plus de mil. non a uns tan uerais qe finamors lodeia obezir. |
Per leis deu hom esperar e sofrir tan es sos pretz valenz e cabalos qanc non ac soin dels amadors savais de ric estars ni pauper orgoillos de plus de mil no·n a uns tan verais qe fin'amors lo deia obezir. |
| IV | |
| I st trobador entreuerementir. affollon drutz e moillers e espos. e uan dizen qamors tornem biais. p(er) qel marit deuen non gelos. e donnas son entradas. en pantais. car trop uolon escoutar e auzir. |
Ist trobador entre ver e mentir affollon drutz e moillers e espos. e van dizen q'amors torn'em biais per qe·l marit deven non gelos e donnas son entradas en pantais car trop volon escoutar e auzir. |
| V | |
| C ist serue fals fan a pluzors. geqir. pretzel io uen. e donar adestros. p(er) qe proeza. non tug sia mais. qescarzetatz. ten las claus. dels baros. maint na serrat. dinz la ciutat da bais. don maluestatz no(n) laissa un issir. |
Cist serve fals fan a pluzors geqir pretz e Ioven e donar ad estros per qe proeza non tug sia mais q'Escarzetatz ten las claus dels baros maint n'a serrat dinz la ciutat da bais Don Malvestatz no·n laissa un issir. |
| VI | |
| C ercamonz diz qe uas amors sirais. merauill es com pot lira suffrir. qira damor es paors (et) esglais. enon pot hom trop uiure ni murir. fagz es lo uers e non deu ueillezir. segon aisso qe monstra la razos qant bonamors non galiet ni frais. anz dona ioi als arditz amoros. |
Cercamonz diz: qe vas amors s'irais meravill'es com pot l'ira suffrir q'ira d'amor es paors et esglais e no·n pot hom trop viure ni murir. Fagz el lo vers e non deu veillezir segon aisso qe monstra la razos qant bon'amors non galiet ni frais anz dona ioi als arditz amoros. |