.jpg) .jpg) |
folqet
Sal cor plagues ben for huimais saisos De far canzhos p ioia matener Mas trop mi fai ma uentura doler Qant eu regart los bes el mals us qeu nai Qe ricx diz hom q(ue)soi e qe ben uai Mas cel qo diz no sap ges ben lo uer Qe benena(n)zha no(n) pot nus hom auer De nulla re mas dezho qal cor plai P qe nam mais un paubres ses ioios Cun(qu)erner ses ioi qes tot lan consiros Et si anc iorn fui gais ni amoros Ar non ai ioi damor nelen esper Ni altre bes nom pot al cor plazer Anz mi senblon tot altre ioi esmai Pero damor qe uer uos en dirai Nom lai(s) d(e)l tot ni nomen puosc remare(r) Aissi com cel qem mei del arbre stai Qes tan poiaz qe no sap tornar ios Ni sus no(n) uai tan li par temeros Per zho nom lais se tot ses perillos Qades no(n) page sus amon poder Et deuriam do(m)pnal fis cor ualer Pois conoissez qe ia non recrerai Qab ardime(n)t apoderom les glai Et non tem dan qe me posca escazer El guierdos es aitals chom seschai Qe neis lo dos lencis faich guierdos A cel qe sap dauinen far sos dos Donc si merces a nuill poder en uos Traia sênan se iam uol pro tener Qeu nomen fi en prez ni ensaber Ni en chanzons mas car conosc sai Qe merces uol zo qe raisons d(e)schai Per qeu uos cuich ab merce (con)qerer Q(u)i mos escuz contral sobre ualer Qeu sai en uos per qem met en assai De uostramor zo qan ueda raisos Mas ille mi fai quiar qauinen fos A zho conosc qeu soi meins pauros Qant al comenzamen me desesp Er mas chanzhons pois uoill m(er)ce q(ue)re(r) Farai doncs aissi col ioglars fai Aissi cum muo mos uers lo finerai Desesperar puos doncs noi puosc sabe(r) Raison per qeill deia de mi caler Ma tot lo meins ai tant en rete(n)drai Qanz en mon cor lamaraia rescos Erdiraiben delei en mas chanzos Si Nazimanz sabia cho qen fai Dir porria cuna pauca ocaisos Noz en amor plus qe noi ual raisos
|