[c. 154va]
 |
De bone amor uient science (et) bonteis (et) amors uient de ces dous autreci .tuit. iii. sont un ke bien i ait pancer. ne iai nuns ior ne seront dep(ar)ti. par .i. consoil cont ansamble estaubli. li correous ke deuant sont alei de mon cuer ont fait lour chai min ferreit. tant lont uzeit mais nan seront p(ar)ti. Li cor reour sont la neut an clerteit (et) lou ior sont por lai gent os curcit. li dous regairs plaisans (et) sauoreis. (et) li biauteis (et) li bie(n) ke gi ui. nest pas meruelle san regairt mesbahi. de li ait deus lou siecle anluminez. car qui uairoit lou plus biaus ior destei uers li seroit oscurs am plaim meidi. An amor ai poor (et) her dement. li dui font troi. (et) dou tiers sont li dui. san uient a aulz grant ualour espandant. (et) lai biauteit i recest (et) desduit. por cest amor li hospitals datrui ke nuns ni faut contre son a uenant. gi ai faillit dame ki ualeiz tant. a uostre amor si ne sai ou ie suis. Or ni ai plus |
[c. 154vb]
 |
fors cali me comant. car tous biens fais ai laissiet por celui ma douce ioie ou mai mort i a tent. ne sai lou queil des q(ue) de uant li fu. ne me firent lors si oil point danui. ainz me uin rent ferir on cuer dedens. (par)mi lou cors dun dairt damors tran chans. ancor i est li colz q(ue) ie ressii. Li colz fut grans il ne fait can peirier. il nest nuns mires ki lou peust se(n)neir. fors ke celee qui lou dairt fist lancier. ce de ces eulz me dignoit regardeir bien an poroit lou col morteil osteir. a tout lou fust dont iai grantdezirier. mais la pointe dou fer nan puet sachier. kelle brixait dedens au col doneir. |