| I | |
| De bone amor uient seance et biaute; et amors uient de ces (deus) autresi. li troi sunt un que b(ie)n lai esprouue; ia anul ior nen se ront departi. par un conseil ont ensenble establi. li coreor qui sont auant ale. de mon cuer ont fet leur chemin fer re; tant lont use ia nen sero(n)t |
De bone amor vient seance et biauté, et amors vient de ces deus autresi. Li troi sont un, que bien l’ai esprouvé; Ja a nul jor n’en seront departi. Par un conseil ont ensenble establi li coreor, qui sont avant alé: de mon cuer ont fet leur chemin ferré; tant l’ont usé, ja n’en seront parti. |
| II | |
| Li coreor sunt la nu it en clarte; et le ior sont por la gent os curci. li douz regart plesant et sauore; et les granz biens quen madame choisi. nest merueille se ie men esbahi. de li a dex le sie cle enlumine. car qui auroit le plus biau ior deste; lez li se roit oscur en plain midi. |
Li coreor sunt la nuit en clarté et le jor sont por la gent oscurci: li douz regart plesant et savoré, et les granz biens qu’en ma dame choisi; n’est merveille se je m’en esbahi. De li a Dex le siecle enluminé, car qui avroit le plus biau jor d’esté, lez li seroit oscur en plain midi. |
| III | |
| En amor a proece et hardement; li dui sont troi et du tierz so(n)t li dui. et grant ualeur est a ceus apendant; ou amors a et recet et refui. por cest amors li hospitaus dautrui. que nus ni faut selonc son auenant et iai failli dame quiualez tant; a mon ostel si ne sai ou ie sui. |
En amor a proece et hardement: li dui sont troi et du tierz sont li dui, et grant valeur est a ceus apendant, ou Amours a et recet et refui. Por c’est Amors li hospitaus d’autrui que nus n’i faut selonc son avenant. Et j’ai failli, dame, qui valez tant, a mon ostel, si ne sai ou je sui. |
| IV | |
| Or ni a plus fors qua li me conmant; car touz biens fez ai lessie pour celui. ma bele uie ou ma mort i atent; ne sai le quel mes quant deuant li fui. ne me firent onc si oeil point dennui. ainz me ui(n)dre(n)t ferir de maintenant parmi le cors dun amoreus senblant; oncore iest le coup que ie re cui. |
Or n’i a plus fors qu’a li me conmant, car touz biens fez ai lessié pour celui: ma bele vie ou ma mort i atent; ne sai le quel, més quant devant li fui. Ne me firent onc si oeil point d’ennui, ainz me vindrent ferir de maintenant parmi le cors d’un amoreus senblant; oncore i est le coup que je reçui. |
| V | |
| Li cous fu granz il ne fet quenpoirier; ne nus mi res ne men porroit saner. se cele non qui le dart fist lan cier; se de main idaignoit a deser. tost en porroit le coup mortel oster; otout le fust dont iai grant desirrier. me(s) la pointe du fer nen puet sachi er; quele bruisa dedenz au cop doner. |
Li cous fu granz, il ne fet qu’enpoirier, ne nus mires ne m’en porroit saner, se cele non qui le dart fist lancier. Se de main i daignoit adeser, tost en porroit le coup mortel oster o tout le fust, dont j’ai grant desirrier; més la pointe du fer n’en puet sachier, qu’ele bruisa dedenz au cop doner. |