| I | |
| G es per lo temps fert nomi rais. anz lam tan cu(m) faz la calor. Quatressi puose auer damor. En iuern bon escharida. Col temps qa(n)t uerdion li plais. Enatent bon esiauzida. sa lei plaz que mos ditz acuoill. Qe per autra no sesiau. Mo(n) cor ma benanansa. |
G es per lo temps fert no m'irais anz l'am tan cum faz la calor Qu'atressi puosc aver d'amor En ivern bon'escharida Col temps qant verdion li plais Enatent bon esiauzida s'a lei plaz que mos ditz acuoill Qe per autra no s'esiau Mon cor ma benanansa. |
| II | |
| P erso trop ma de sauais. Quanc hom se gle no(n) ui meillor. Si tot sen fan maint bla smador. Ecel que ben pretz oblida. sembla fols que lautrui abais. Et es rasos deschau zida. Quom ueial pel en lautrui oill. Et elsieu no conois lo trau. P(er) la foudat quel sobransa. |
P erso trop ma de savais Qu'anc hom segle non vi meillor Si tot s'en fan maint blasmador E cel que ben pretz oblida sembla fols que l'autrui abais Et es rasos deschauzida Qu'om veia·l pel en l'autrui oill Et el sieu no conois lo trau Per la foudat que·l sobransa. |
| III | |
| T ant es mos iois fis euerans. Egrans qa(n)t hom no lac maior. Que de domnas am la gensor. Que mes tant fort abellida. Qal uoilla mam osolai. Qiueu lamarai ama uida. Sill noca se uol eu me uoill. Qe dai tan puois tenir la clau. se per lui no(n) ai da uondansa. |
T ant es mos iois fis e verans E grans qant hom no l'ac maior Que de domnas am la gensor Que m'es tant fort abellida Qal voilla m'am o s'o lai Qu'ieu l'amarai a ma vida Sill noca se vol eu me voill Qe d'aitan puois tenir la clau Se per lui no·n ai d'avondansa. |
| IV | |
| T ut iorn perpren em creis em nais. uns rams de ioi plens de dousor. Que ma pa(r) tit dire deplor. Em chapdella siem guida. Qen als no so iorn ni engrais. ni ai mam or establida. Equi qen parle nim iangloill. us no sap uia niescalu. Nion mous cors plus balansa. |
T ut iorn perpren e·m creis e·m nais uns rams de iois plens de dousor Que m'a partit d'ir'e de plor E·m chapdella si e·m guida Q'en als no soiorn ni engrais ni ai m'amor establida E qui q'en parle ni m iangloill us no sap via mesclau Ni on mons cors plus balansa. |
| V | |
| G es aquella foudatz nom paus. anz nam mais lo pro quell honor. Ecelar qo sapchon plusor. que fols es que iangla e creida. d domna ni sen fei(n)g trop gais. Etenc lonor p(er) delida. Emou de follia e dorguoill. Acel qen uol blasme nil au. Ne bruich de fol ques bobensa. |
G es aquella foudatz no·m paus anz n'am mais lo pro quell honor E celar q'o sapchon plusor que fols es que iangla e creida de domna ni s'en feing trop gais E tenc l'onor per delida E mou de follia edorguoill Acel qe·n vol blasme ni lau Ne bruich de fol que·s bobansa. |
| VI | |
| B ella domna nous siesmais. Car no ue de uostramador. quieu sui chai ses cor tri chador. quei a non farai faillida. uer uos on quieu man ni ma pais. quautramors mes auelida. Esin totz uostres sicom suoill. Esi nous uei ni nous au. ades nai al cor membransa. |
Bella domna no·us si'esmais Car no ve de vost amador qu'ieu sui chai ses cor trichador que ia non farai faillida ver vos on qu'ieu m'an ni m'apais qu'autr'amors m'es avelida E sin totz vostres si com suoill E si nous uei ni nous au ades n'ai al cor membransa. |