| c.121 | |
| I | |
| SEigner en coms ablasmar. Vos fai senes falia. Car noi auses anar. Puois ella ouolia. Ala domna parlar. Etal forde cataloingna. Al nostrops eu nai ueigoingna. Car lai fezes faidiar. |
Seigner En coms a blasmar vos fai senes falia car no·i auses anar puoi ella o volia a la domna parlar et al for de Cataloingna Al nostr'ops eu n'ai veigoingna car la·i fezes faidiar. |
| II | |
| E fis druz no·us deu tardar si mesatge·l venia. mas qe·s pens del anar e que·s meta en la via com non sabon son afar de sidonz ni sa beisoingna ben leu a talan qe jongna per qe no·s deu aturar. |
|
| III | |
| Qan vis vostre joglar que devas leis venia ja no·us degraz restar qui·s dones Normandia sac ses bon cor d'amar antre Bera e Dardoingna de regart no·us dara soingna Ni ja no·us degra membrar. |
|
| IV | |
| Mas ara potez proar s'es ver so q'eu disia que no·i fai a d'amar rics hom per drudaria tant an a cossirar per qe·l jois d'amor los loingna qu'eu non voill aver Bergoingna Ses temer e ses cellar. |
|
| V | |
| Q'eu ia no voill essei bar ni de gran manentia per qe·m pogues reptar nuillz hom de villania. mais am rire gabar ab midonz qe m'en somoingna qu'eu no volria Gascoingna Ni Bertaingna chapdelar. |
|
| VI | |
| Mon chan vir vas N'Aemar qi s'onor en sabria cui vostre seingner car Sa pauca Lombardia tan gen sap domneiar que nas camja nis broigna per menassa an resoingna Limezi fai reserar. |
|
| VII | |
| Si·l coms Jaufres nos loingna Pietau aura e Gascoingna Si tot non sap domneiar. |