 |
P os nostre temps com(en)sa brunezir. eliuerchan son delor foillas blos. edel solleill uei tant baissat los rais. p(er) q(ue)l ior(n) son escur etenebros. et ho(m) noi au dauçel nichanz ni lais. p(er) ioi da mor nos deuem esbaudir. |
 |
A quest amor nom pot tan seruir. q(ue)mil aitanz nom doblel guizardos. q(ue) p(re)tz e iois etot cant es emais. nauran aisil q(ue)n seran poderos. canc no(n) passet. couinenz nils esfrais. mas p(er) semblan greus er aco(n) qerir. |
 |
P er leis deu hom esp(er)ar esoffrir. tant es sos p(re)z ualenz e cabalos. canc no(n) ac so ing dels amadors sauais. derric escars ni de pauc brorgoillos. q(ue)n plus demil non a dos tan uerais. q(ue) fin amors los desia ho bezir. |
 |
I st trobador entre uer em(en)tir. affollon drutz emoillers (et) espos. euan diçen ca mor uan enbiais. p(er) q(ue)l marit endeuenon gilos. edo(m)pnas son intradas enpantais. en mot uol hom escoutar (et) auzir. |
 |
C ist siluen fals fan apluzors giqir.p(re)z eio uens eloi(n)gnar edestros. p(er) q(ue) proeza non cug q(ue) sia mais. q(ue)scarsetaz ten las claus dels baros. manz na serraz dins lasiutat de bais. don maluestatz no(n) laisse un issir. |