 |
li rois de nauarre Dame ensi est qil men couuient aler; et departir |
 |
de ma douce contree. ou tant ai maus souffers et endurez; q(ant) ie uous lais droiz est que ie me hee. dex pour quoi fu la terre doutremer. qui tanz amanz a ura fet deseurer. dont puis ne fu lamors reconfortee. ne ne po rent leur ioie remenbrer. Ia |
 |
sanz amor ne porroie durer; tant par itruis fermement ma pensee. ne mes fins cuers ne men let retorner; ainz pens a li la ou il ueut et bee. trop ai ap(ri)s durement a amer. pour ce ne uoi conment puisse durer. de ioie auoir de la plus desiree; con ques nus hons osast merci crier. Ie ne uoi pas quant de li sui par |
 |
tiz; que puisse auoir bien ne so laz ne ioie. car onques riens ne fis si aenuiz; con uous lessier se ie iames uous uoie. trop par en sui dolenz et esbahiz. par main te foiz men serai repentiz. quant onques uoil aler en ceste uoie; et ie recort ses debonaires diz. Biau sire dex uers uous me sui guenchis; tout lais pour uous ce que ie tant amoie. li guerredons en doit estre floriz; quant pour uous pert et mon cuer et ma ioie. de uous seruir sui touz pres et garniz. a uous me rent biax peres ihesucriz. si bon seigneur auoir ie ne por roie; cil qui uous sert ne puet estre esbahiz. Bien doit mes cuers estre liez et dolanz; dolanz de ce que ie part de madame. et liez de ce que ie sui desirranz; de seruir dieu qui est mes cuers et mame. iceste amor est trop fine et puissanz. par la couuie(n)t uenir les plus sachanz. cest li rubiz lesmeraude et la iame; q(i) touz guerist les uix pechiez pu anz. |