| L acontesa de proe(n)sa. Os qem se(m)blatz dels coralsamadors. Ja non uolgra qe fossez tan dopta(n)z. e plaz mi molt qar uos destrei(n)g mamors. Qautressi sui eu p(er)uos manamanz. E zauez dan en uostre uulpillage. Qar nous ausaz de preiar en ardir. E faitz auos ez ami gran da(m)pnage. Qe ges do(m)pna no(n) ausa descobrir. Tot so qil uol p(er) paor de faillir. |
La Contessa de Proensa Os qe.m semblatz dels corals amadors, ja non volgra qe fossez tan doptanz, e plam mi molt qar vos destreing m'amors, q'autressi sui eu per vos malananz, ez avez dan en vostre vulpillage qar no.us ausaz de preiar en ardir, e faitz a vos ez a mi gran dampnage qe ges dompna non ausa descobrir tot so q'il vol per paor de faillir. |
| Engui de cauaillon. Ona do(m)pna uostronrada ualors. Mi fai estar temeros tan es granz. E nom o tol negunautra paors . Qeu no(n) uos precqeus uolria enanz. T an gen s(er)uir qe non fezes oltraze. Q aissim sai eu depreiar enardir. E uolria qil faich fosson message. E pressez en loc de precs s(er)uir. Qus honratz faitz deu be ualer un dir. |
En Gui de Cavaillon Ona dompna vostr'onrada valors mi fai estar temeros, tan es granz, e no.m o tol negun'autra paors q'eu non vos prec, qe.us volria enanz tan gen servir qe non fezes oltraze, q'aissi.m sai eu de preiar enardir, e volria q'il faich fosson message, e pressez en loc de precs servir q'us honratz faitz deu be valer un dir. |