| I | |
| FVilhetas ges autres uer giers. non fai fuilhair mars ni febriers. mas uos qe uos es trop cochat. de mo(n) tainha sai deuallat. enanz qe granz cauz sabata. qieu ai ia iust albre fuilhat. qes cocha pueis ges lo mata |
FUilhetas ges autres ver giers non fai fuilhair mars ni febriers mas vos qe vos es trop cochat de montainha sai devallat enanz que granz cauz sabata qieu ai ia iust albre fuilhat qes cocha pueis ges lo mata.
|
| II | |
| MAs totz temps isses uoluntiers. de uostra terra blos p(r)imiers. anz qe sia li flors el prat. e fatz co(n)te de paupertat. con uos e uostra siata. ha tengut linuerns en serrat. qanc uns non passet la lata. |
MAs totz temps isses voluntiers de vostra terr ab los primiers anz qe sia li flors el prat e fatz conte de paupertat con vos e vostra siata ha tengut l'inverns en serrat qanc uns non passet la lata. |
| III | |
| FVilhetas sias soudadiers. nar chimbaud qi nasqet derriers. qe lantres o ha tout laissat. de proezae el gazainhat. e pos leu e gen barata. eluei adreit eza linhat. Lau q(e)n proe<n>ça sabata. |
FUilhetas sias soudadiers nar chimabaud qi nasqet derriers qe lantres o ha tout laissat de proezae el gazainhat e pos leu e gen barata eluei adreit eza linhat Lau qen proença sabata. |
| IV | |
| NA tempre nos est tropleugiers. e fatz o qom a esparuiers. q(ue)s laissa quant ha randonat. mas ieu consahus aficat. desqem la rota mabata. no(n) aurials mils ans camiat. qieu siuals tot iorn noi glata. |
NA tempre nos est trop leugiers e fatz o qom a esparuiers, ques laissa quant ha randonat: mas ieu con sahus aficat desqem la rota m’abata. Non aurials mils ans camjat q’ieu sivals tot iorn noi glata. |
| V | |
| NA tempra ges de lieu chanta. no(n) sui anz o hai tot laissat. ez estauc a damiata. |
NA tempra ges de lieu chanta non sui, anz o hai tot laissat ez estauc a Damiata. |