| Jaufres rudels deblaia. |
Jaufres Rudels de Blaia. |
| |
I. |
Q Anlo rius delafontana. Sesclarzis
sicu(m) far sol. Epar laflors aiglentina.
Elrossignoletz elram. Uolu erefraing (et)
aplana. Son doutz chantar (et) afina.dreitz
es qieu lomieu refraigna. |
Qan lo rius de la fontana
s’esclarzis, si cum far sol,
e par la flors aiglentina,
e·l rossignoletz el ram
volv e refraing et aplana
son doutz chantar et afina,
dreitz es q’ieu lo mieu refraigna.
|
| |
II. |
|
A mors deterra loindana. P(er)uos totz lo
cors midol. Enon puosc trobar meizina.
si non uau alsieu reclam. Ab atraich
damor doussana. Dinz uergier osotz cor
tina. ab desirada compaigna.
|
Amors de terra loindana,
per vos totz lo cors mi dol.
E non puosc trovar meizina
si non vau al sieu reclam
ab atraich d’amor doussana
dinz vergier o sotz cortina
ab desirada compaigna.
|
| |
III. |
|
P ois deltot menfaill aizina. nom mera
uill sieu maflam. Car anc gensser cresti
ana. nonfo q(ue) dieus nonlauol.Juzeua ni
sarrazina. Et es ben pagutz demanna.
Qui ren desamor gazaigna.
|
Pois del tot m’en faill aizina,
no·m meravill s’ieu m’aflam:
car anc gensser crestiana
non fo, que Dieus non la vol,
juzeua ni sarrazina.
Et es ben pagutz de manna,
qui ren de s’amor gazaigna.
|
| |
IV. |
|
D e desir mos cors non fina. Uascella ren
qieu plus am. E cre q(ue) uolers mengana.
Si cobezeza lam tol.Q(ue) plus es pongens
q(ue)spina. Ladolors que ab ioi sana. donia
non uuoill com menplaigna.
|
De desir mos cors non fina
vas cella ren q’ieu plus am,
e cre que volers m’engana
si cobezeza la·m tol;
que plus es pongens qu’espina.
La dolors que ab ioi sana:
don ia non vuoill com m’en plaigna.
|
| |
V. |
S enes breu depargamina. Tramet louers
enchantan. plan (et) enlenga romana. An
hugon brun p(er)fillol. Bon mes car gens
peitauina. debeiriu e debretaigna. Ses
gau p(er)lui eguiaigna.
|
Senes breu de pargamina
tramet lo vers en chantan
plan et en lenga romana,
an Hugon Brun per Fillol.
Bon m’es car gens peitavina,
de Beiriu e de Bretaigna
s’esgau per lui e Guiaigna.
|
