| I | |
| Douce dame tout autre pensement q(ua)nt pens a vos oubli en mon coraige des ke uous uic des iex premierement ami puis amors ne fu de moi sauuage ancois ma plus trauellie ke deuant pour cou uoi bien ke garison natant qui masoshaige fors seul de uous remirer des iex dou cuer empensant. |
Douce dame tout autre pensement Q(ua)nt pens a vos oubli en mon coraige Des ke vous vic des iez premierement Ami puis amors ne fu de moi sauvage Ancois m'a plus travellie ke devant Pour cou voi bien ke garison n'atant Qui m'asoshaige Fors seul de vous remirer Des iex dou cuer empensant. |
| II | |
| Se ie ne puis uers uous aler souent ne uous poist pas belle cortoise et saige ke ie me douc forment de male gent ki deuinant auront fait mai(n)t damaige. et se ie fas dallors amer samblant. sacies ke cest sans cuer et sans talant sen soies saige et sil uous deuoit peser. geli lairoie ancois ester. |
Se ie ne puis vers vous aler sovent Ne vous poist pas belle cortoise et saige Ke ie me douc forment de male gent Ki devinant avront fait mai(n)t damaige; Et se ie fas d'allors amer samblant Sacies ke c'est sans cuer et sans talant
S'en soies saige Et s'il vous devoit peser Geli lairoie ancois ester. |
| III | |
| Sans uous ne puis dame ne ie ne quier. ne ia dautrui diex ne me doinst mais ioie. car iaim molt miex estre en uostre dangier et soffrir mal kautre bien se lauoie ha. si bel oil riant alacointier mi firent si mon corage cangier ke ie soloie blas mer et despire amors or en senc mortels dolors. |
Sans vous ne puis dame ne ie ne quier, Ne ia d'autruit diex ne me doinst mais ioie. Car i'aim molt miex astre en vostre dangier Et soffrir mal k'autre bien se l'avoie Ha! si bel oil riant a l'acointier M'i firent si mon corage cangier Ke ie soloie Blasmer et despire amors Or en senc mortels dolors. |
| IV | |
| Si grant beaute com si pot acointier en cortois sens ki son gent cors maistroie ia la fist diex pour faire mervellier tous ceaus a cui ele velt faire ioie nul otraige dame ie ne vous quier fors seul itant ke daignissies quidier ke vostre soie. Molt me seroit grant secors et esperance damors. |
Si grant beaute com s'i pot acointier En cortois sens ki son gent cors maistroie Ia la fist diex pour faire mervellier Tous ceaus a cui ele velt faire ioie Nul otraige dame ie ne vous quier Fors seul itant ke daignissies quidier Ke vostre soie; Molt me seroit grant secors Et esperance d'amors. |
| V | |
| Ains riens ne uic en li ne mait naure. dun cop parfont asi tres douce lance front boce et nes iex uis fres coloure. mains chief et cors et belle contenance. ma douce dame et quant les reuerres mes anemis ki si fort mont greue par lour poissance. kains mais nus ho(n) fust uis quita(n)t amast ses anemis. |
Ains riens ne vic en li ne m'ait navre
D'un cop parfont a si tres douce lance
Front boce et nes iex vis fres coloure,
Mains chief et cors et belle contenance.
Ma douce dame et quant les reverres
Mes anemis ki si fort m'ont greve
Par lour poissance,
K'ains mais nus ho(n) fust vis
[Qui] ta(n)t amast ses anemis?
|
| VI | |
|
Chancon ua tent a celui ke b(ie)n ses et se li di pour pau
>our< ai chante et en doutance. Mais drois est ke fins amis. soit asa dame ententis. |
Chancon va tent a celui ke b(ie)n ses Et se li di pour paur ai chante Et en doutance: Mais drois est ke fins amis, Soit a sa dame ententis. |