| li rois de Ne uarre |
Li rois de Navarre |
| I | |
| Douce dame tout autre pe(n) / sement. quant pens a uous oubli en mon corage. des que uous ui des euz premiereme(n)t ainz puis amors ne fu de moi sauuage. ancois ma plus tra / ueillie que deuant. pour ce uoi bien que guerredon na tent qui massoage. fors seul de uos remirer des euz du cuer en pensant. |
Douce dame tout autre pensement Quant pens a vous oubli en mon corage Des que vous vi des euz premierement Ainz puis amors ne fu de moi sauvage Ancois ma plus traveillie que devant Pour ce voi bien que guerredon natent Qui massoage Fors seul de vos remirer Des euz du cuer en pensant |
| II | |
| Se ie ne puis uers uos aler souuent. ne uos poist pas bele et cor toise et sage. que ie me dot forment de male gent qui deuinant auront fait maint damage. et se ie faz damer ail lors senblant. sachiez que cest sanz cuer et sanz talent. se(n) soiez sage. et sil uous deuoit peser gel leroie ancois ester. |
Se ie ne puis vers vos aler souvent Ne vos poist pas bele et cortoise et sage Que ie me dot forment de male gent Qui devinant avront fait maint damage Et se ie faz damer aillors senblant Sachiez que cest sanz cuer et sanz talent Sen soiez sage Et sil vous devoit peser Gel leroie ancois ester |
| III | |
| Sanz uos ne puis dame ne ie nel qier ne ia dautrui dex ne mi doint me[s] ioie. car iaim mult melz estre en uostre dangier. et sousfrir mal quautre bien se lauoie. ha si bel oeil riant alacointier. mi firent si mon corage changier. que ie soloie blasmer et despire a mors. ore en sent mortiex dolors. |
Sanz vos ne puis dame ne ie nel qier Ne ia dautrui dex ne mi doint me[s] ioie Car iaim mult melz estre en vostre dangier Et sousfrir mal quautre bien se lavoie Ha si bel oeil riant alacointier Mi firent si mon corage changier Que ie soloie Blasmer et despire amors Ore en sent mortiex dolors |
| IV | |
| Si grant biaute com si seut a cointier. ou cortois sens qui son gent cors mestroie. Ia li fist dex por fere merueillier. touz ceus a qui ele ueut fere ioie. nul outrage dame ne uous re qier. fors seul itant que daignis siez cuidier. que uostres soie. mult me seroit grant secors. et esperance damors. |
Si grant biaute com si seut acointier Ou cortois sens qui son gent cors mestroie Ia li fist dex por fere merveillier Touz ceus a qui ele veut fere ioie Nul outrage dame ne vous reqier Fors seul itant que daignissiez cuidier Que vostres soie Mult me seroit grant secors Et esperance damors |
| V | |
| Ainz riens ne ui en li ne mait naure. dun parfont cuer a si tres douce la(n) ce. front bouche et nes euz uis bien colore. mains chief et cors et bele contenance. ma douce dame et quant uous re uerrez. mes anemis qui si fort mont greue par leur puissa(n)ce. ainz mes nus hons ne fu uis. qui tant amast ses anemis |
Ainz riens ne vi en li ne mait navre Dun [x] parfont cuer a si tres douce lance Front bouche et nes euz vis bien colore Mains chief et cors et bele contenance Ma douce dame et quant vous reverrez Mes anemis qui si fort mont greve Par leur puissance [x]Ainz mes nus hons ne fu vis [Qui] tant amast ses anemis |
| VI | |
| Cha(n) con ua ten a celi que bien se. et si li di por poor ai chante. et en doutance. mes droiz est que fins amis. soit a dame ententis. |
Chancon va ten a celi que bien se Et si li di por poor ai chante Et en doutance Mes droiz est que fins amis Soit a dame ententis. |