| I | |
| Bertrans de born. xiij QVan la nouella flors par el uergan. On son uermeill uerd eblanc li brondel. abla dousor quieu sent altorn del an. Chant autresi con fan li autre ausel. Car p(er) ausel me teing en mantas res. Car aus uo- ler tot lo mielz quel mon es. Voler laus euet auer cor uolon. Mas no(n) laus dir mon cor anz loill rescon. |
Bertrans de Born Xiij Quan la novella flors par el vergan on son vermeill verd e blanc li brondel ab la dousor qui eu sent al torn de l'an chant autresi con fan li autre ausel car per ausel me teing en mantas res car aus voler tot lo mielz qu' el mon es voler laus eu et auer cor volon mas non l'aus dir mon cor anz loill rescon. |
| II | |
| Eu no(n) soi drutz ni damor no(n) feing ta(n). Qe(n) rason domna damor nim apel. Ni no dom- nei esim ual autretan. Que lausengier fals enois fra del. Des enseignat uillan emal apres. An de me dit tant neson entremes. Que fan cuiar que la genser del mon. Mi tengua gai iausen edesiron. |
Eu non soi drutz ni d'amor non feing tan qen rason domna d'amor ni m'apel ni domnei e sim val autretan que lausengier fals en ois fradel des enseignat villan e mal apres an de me dit tant ne son entremes que fancuiar que la genser del mon mi tengua gai iausen e desiron. |
| III | |
| Qom ses domna no(n) pot far damor chan. Mas siruentes farai fresc enouel. Pu casti- ar cuidon enguerreian. Nostre baron lo sein- gnor de bordel. Eper forsa tornar franc ecor- tes. Mal estara sancar uillans no nes. Ta- nt que chascu(n)s aia gaug sil respon. Enols enoi si bels pela nils ton. |
Q'om ses domna non pot far d'amor chan Mas sirventes farai fresc e novel pu castiar cuidon enguerreian nostre baron lo seignor de Bordel e per forsa tornar franc e cortes mal estara s'ancar cvillans no nes tant que chascuns aia gaug s'il respon e no'l's· enoi si bels pela ni ls ton. |
| IV | |
|
Autra aura saissi pert son affan. Enlimoi- si on atrait tant cairel. Etanta tor tant mur etant anuan. Faig adeffaing efondut tant chaste . Etant auet tolt edonat emes. Eta(n)t colp dat ereseubut epres.Etanta fam ta(n)ta set etant son. Com el atrait da gentroa no(n) tron. |
Autra aura s'aissi pert son affan en Limoisi on a trait tant cairel e tanta tor, tant mur e tant anvan faig e deffaig e fondut tant chaste e tant avet tolt, e donat, e mes. E tant colp dat e reseubut, e pres e tanta fam, tanta set, e tant son. Com el a trait da Gentro a Nontron. |